اسلام آباد: وفاقی وزیر ریلوے شیخ رشید احمد نے کہا کہ ڈیل اورڈھیل کے بعد نوازشریف باہرنکلنے کے لیے دھکا چاہتے ہیں۔
تفصیلات کے مطابق وفاقی وزیر ریلوے شیخ رشید احمد نے کہا کہ نوازشریف، شہبازشریف اور آصف زرداری کا علاج لال حویلی میں ہے۔
شیخ رشید نے کہا کہ عمران خان جس کا نام ہے وہ ڈھیل دینے والوں میں نہیں ہے، ڈیل اورڈھیل کے بعد نوازشریف باہر نکلنے کے لیے دھکا چاہتے ہیں۔
وفاقی وزیر ریلوے شیخ رشید نے کہا کہ ریلوے کی صفائی اور خوش اخلاقی مہم کو 3 ماہ تک لے جا سکتے ہیں۔
انہوں نے کہا کہ بلاول بھٹو نے میرے خلاف سخت بیانات پرٹویٹرپرمعافی مانگ لی ہے، بلاول بھٹو کو دل سے معاف کر دیا ہے۔
نوازشریف لال حویلی آئیں وہاں کے پیر سے دم کراؤں گا، ٹھیک ہوجائیں گے،شیخ رشید
یاد رہے کہ گزشتہ روز وفاقی وزیر ریلوے شیخ رشید کا کہنا تھا کہ پتھری کے علاج کے لیے لندن جانے کی ضرورت نہیں، لال حویلی میں بھی ہوجاتا ہے، نوازشریف لال حویلی آئیں وہاں کے پیر سے دم کراؤں گا، ٹھیک ہوجائیں گے۔
واضح رہے کہ تین روز قبل وفاقی وزیر ریلوے شیخ رشید کا کہنا تھا کہ میاں برادران جان دے دیں گے پیسے نہیں دیں گے، شہباز شریف میں اخلاقی جرات ہے تو پبلک اکاؤنٹس کمیٹی کا عہدہ چھوڑ دیں۔
