اسلام آباد: عوامی مسلم لیگ کے سربراہ شیخ رشید احمد کا کہنا ہے کہ رات کو کچھ لوگ آئے راولپنڈی پولیس کا کوئی بندہ ساتھ موجود نہیں تھا۔
اے آر وائی نیوز کے مطابق صحافی نے شیخ رشید سے سوال کیا کہ کیا رات کو راولپنڈی پولیس بھی موجود تھی؟ انہوں نے کہا کہ رات کو کچھ اسلام آباد پولیس اور بغیر وردی کے لوگ آئے ان کے ساتھ راولپنڈی پولیس کا کوئی بندہ موجود نہیں تھا۔
شیخ رشید احمد کا کہنا تھا کہ میرے پاس واقعے کی تمام ویڈیوز موجود ہیں۔
واضح رہے کہ جوڈیشل مجسٹریٹ عمرشبیرکی عدالت نے سابق وزیرداخلہ شیخ رشید کا 2 روزہ جسمانی ریمانڈ منظور کر لیا.
اس سے قبل ان کا کہنا تھا کہ شیخ رشید شہبازشریف کی سیاسی موت ہے، 15 فروری کے بعد سیاسی صورتحال بدل جائے گی۔
سابق وزیر داخلہ کا کہنا تھا کہ مجھےساری رات سخت ترین سردی میں بٹھایا،سونےنہیں دیا.
شیخ رشید کا کہنا تھا کہ مجھے گرفتارکرنےوالی تمام حکومتوں کا خاتمہ ہوا ہے، چاہے وہ حکومت ایوب خان،یحییٰ، بھٹو، نواز شریف کی ہو ،ختم ہوئی ہیں۔
ان کا کہنا تھا کہ شہباز شریف تمہارے دن گنے جا چکے ہیں، ان کو خوف ہے ان کی حکومت جا رہی ہے، ساری قوم عمران خان کے ساتھ ہیں۔
