راولپنڈی: عوامی مسلم لیگ کے سربراہ شیخ رشید نے عام انتخابات سے متعلق بڑا دعویٰ کردیا۔
تفصیلات کے مطابق سماجی رابطے کی ویب سائٹ ٹوئٹر پر جاری بیان میں شیخ رشید نے کہا کہ ضمنی الیکشن کی بجائے نئےالیکشن پرمعاملات طےپا گئے ہیں.
انہوں نے دعویٰ کیا کہ اکتوبرمیں الیکشن تاریخ ملنی جارہی ہے، اسی دوران نئےالیکشن کمیشن کا قیام جبکہ
نگران حکومت کا فیصلہ بھی ہونے جارہا ہے، قوم جلد خوشخبری سنے گی۔
شیخ رشید نے نام لئے بغیر آصف زرداری سے متعلق کہا کہ نئے الیکشن پر قرنطینہ والےبھی مان گئے،صرف فضل الرحمان رہ گئے ہیں۔
ضمنی الیکشن کی بجائے نئے الیکشن پر معاملات طے پا گئے ہیں۔اکتوبر میں الیکشن کی تاریخ،نئے الیکشن کمیشن اور نگران حکومت کا فیصلہ قوم جلد سن لے گی۔قرنطینہ والے بھی الیکشن مان گئے ہیں،صرف فضل الرحمن رہ گئے ہیں۔ڈالر 250 کا،بجلی اور LPG میں 10 روپے کا اضافہ مارکیٹیں بند کرا دے گا۔
— Sheikh Rashid Ahmed (@ShkhRasheed) July 29, 2022
ملک میں جاری ہوشربا مہنگائی پرشیخ رشید کا کہنا تھا کہ ڈالرڈھائی سو روپے کا، بجلی اورایل پی جی میں دس روپےکا اضافہ مارکیٹیں بندکرادےگا۔
انہوں نے لکھا کہ اتحادیوں کی سیاسی ساکھ راکھ بن گئی ہے، نہ یہ عوام میں جانےکے قابل ہیں اور نہ ہی فرارہونے، اب تو یہ کسی کو باہرسے بلانےکےقابل بھی نہیں رہے۔
شیخ رشید نے لکھا کہ جمہوریت مذاق اور اسمبلی تماشا بن گئی ہے، اب خلق خدا فیصلہ کرے گی۔
عوامی مسلم لیگ کے سربراہ نے کہا کہ بحران سری لنکا سے لبنان، عراق اوراب پاکستان کی طرف آرہا ہے، ان ہی دنوں میں یورپ میں چار حکومتیں ختم ہوئی ہیں۔
