The news is by your side.

Advertisement

شیخ رشید کی نااہلی سے متعلق فیصلہ کل سنایا جائے گا

اسلام آباد: عوامی مسلم لیگ کے سربراہ شیخ رشید کی نااہلی سے متعلق فیصلہ کل سنایا جائے گا۔ شیخ رشید کی نااہلی کی درخواست مسلم لیگ ن کے شکیل اعوان نے دائر کی تھی۔

تفصیلات کے مطابق سپریم کورٹ کی کاز لسٹ جاری کردی گئی جس کے مطابق عوامی مسلم لیگ کے سربراہ شیخ رشید کی نااہلی سے متعلق فیصلہ کل سنایا جائے گا۔

شیخ رشید کی اہلیت مسلم لیگ ن کے شکیل اعوان نے چیلنج کی تھی۔ اپنی درخواست میں انہوں نے شیخ رشید پر اپنی زرعی زمین ظاہر نہ کرنے کا الزام عائد کیا تھا۔

درخواست میں استدعا کی گئی تھی کہ اثاثے چھپانے پر شیخ رشید کو 62 ون ایف کے تحت نا اہل کیا جائے۔

درخواست کے جواب میں شیخ رشید نے مؤقف اختیار کیا تھا کہ انہوں نے جائیداد چھپائی نہیں تھی، غلطی سے بیان کرنا رہ گئی تھی۔

سپریم کورٹ کے 3 رکنی بینچ نے سماعت مکمل کر کے فیصلہ محفوظ کر لیا تھا جو اب جسٹس شیخ عظمت سعید کی سربراہی میں کل سنایا جائے گا۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں