The news is by your side.

Advertisement

شیخ رشید کا نابینا افراد کے اسکولوں کے لیے ریلوے پلاٹ دینے کا اعلان

اسلام آباد: وفاقی وزیر ریلوے شیخ رشید نے نابینا افراد کے اسکولوں کی تعمیر کے لیے ریلوے پلاٹ دینے کا اعلان کرتے ہوئے کہا کہ نابینا افراد کے لیے ریلوے کا ٹکٹ 100 فیصد مفت ہے۔

تفصیلات کے مطابق وفاقی وزیر ریلوے شیخ رشید نے نابینا افراد کے اسکولوں کی تعمیر کے لیے ریلوے پلاٹ دینے کا اعلان کردیا۔ ان کا کہنا تھا کہ اسکولوں کے لیے ریلوے پلاٹ ایک روپیہ ماہانہ کرائے پر دیں گے۔

شیخ رشید کا کہنا تھا کہ خواہش ہے معذور افراد کی فلاح و بہبود کے لیے بڑا کام کروں، نابینا افراد کے لیے 100 فیصد ریلوے کا فری ٹکٹ کا اعلان کیا۔

انہوں نے کہا کہ ریلوے کی اراضی پر نابینا افراد کے اسکول کے لیے جگہ دینے کا اعلان کیا۔ راولپنڈی کے شہریوں کے لیے جلد میگا پروجیکٹ شروع کرنے جا رہا ہوں۔

وفاقی وزیر نے کہا کہ خواہش ہے ان منصوبوں کا افتتاح وزیر اعظم عمران خان کریں، نالہ لئی ایکسپریس وے کا منصوبہ ایف ڈبلیو او کو دے دیا ہے، غازی بروتھا منصوبہ راولپنڈی اسلام آباد کے شہریوں کے لیے ناگزیر ہے۔

Comments

comments

یہ بھی پڑھیں