راولپنڈی : سابق وزیر داخلہ شیخ رشید کا کہنا ہے کہ 31 مئی سے پہلے فیصلے کرلیں ورنہ گاڑی چھوٹ جائے گی۔
تفصیلات کے مطابق سابق وزیر داخلہ شیخ رشید نے سماجی رابطے ٹوئٹر پر اپنے پیغام میں کہا الیکشن کا مسئلہ افہام وتفہیم سے حل کرنا ہے یا جوڈوکراٹے سے؟ الیکشن کرانے کی بات چیت چل رہی ہے اس کو جلد فائنل کریں۔
شیخ رشید کا کہنا تھا کہ عدم اعتمادپالیسی نے معیشت تباہ کی،فیصلوں میں تاخیر مزید تباہی لائے گی، 31مئی سےپہلےفیصلےکرلیں ورنہ گاڑی چھوٹ جائے گی۔
الیکشن کا مسئلہ افہام و تفہیم سے حل کرنا ہے یا جوڈو کراٹے سے کرنا ہے۔الیکشن کروانے کی بات چیت چل رہی ہے اس کو جلد فائنل کریں۔جس طرح عدم اعتماد کی نااہل پالیسی نے معیشت تباہ کی اسی طرح فیصلوں میں تاخیر مزید تباہی لائے گی۔31 مئی سے پہلے فیصلے کرلیں ورنہ گاڑی چھوٹ جائے گی۔
— Sheikh Rashid Ahmed (@ShkhRasheed) May 21, 2022
گذشتہ روز ملتان میں پی ٹی آئی کے جلسے سے خطاب کرتے ہوئے شیخ رشید نے کہا کہ عمران خان کو وزیر اعظم بنوانے کے لیے ایک ووٹ بہادر آباد سے مفت لے آؤں گا، ایک ووٹ کا مسئلہ ہے، بیس کروڑ کا ریٹ ہے، جان پر کھیل جاؤں گا، عمران خان کہیں تو آج ہی بہادر آباد چلا جاؤں۔
