The news is by your side.

Advertisement

اگرہم نہیں رہے تویہ بھی نہیں رہیں گے، شیخ رشید

راولپنڈی : سابق وزیر داخلہ شیخ رشید کا کہنا ہے کہ یہ لوگ ہمیں ختم کرنا چاہتے ہیں، مگر انتقام کا نتیجہ بہت برا نکلے گا، اگرہم نہیں رہےتویہ بھی نہیں رہیں گے

تفصیلات کے مطابق سابق وزیر داخلہ شیخ رشید نے عمران خان کی حکومت کی تبدیلی کے حوالے سے امریکی دفاعی تجزیہ کار کے اعتراف کے بعد اے آر وائی نیوز سے خصوصی گفتگو کرتے ہوئے کہا کہ سامراجی طاقتیں نہیں چاہتیں کہ ہم چین،روس کیساتھ نیا بلاک بنائیں، چین ہمارا لازوال دوست ہے اور روس کیساتھ جو معاہدہ ہوا وہ عمران خان کو اوپر لے جاتا۔

شیخ رشید کا کہنا تھا کہ ہم اقتدار سے ہٹ کر بھی خوش اور رلیکس ہیں، چور جہاں بھی جائےگا چور ہی ہوگا، یہ امریکا لندن جائیں گے تو ان کو گندے انڈے ، ٹماٹر پڑیں گے۔

رہنما پی ٹی آئی نے کہا کہ سب کو پتہ ہے ووٹ کیسے اکٹھے ہوئے ، دو ووٹ سے ہم کیوں ہارے، شہبازشریف 90 کے زاویے سے لیٹے ہوئے ہیں۔

ان کا کہنا تھا کہ جو سمجھتا ہے مقتدر حلقوں کو قوم کے جذبات کا علم نہیں وہ بے وقوف ہے، مقتدر حلقوں کو ان کو بٹھانا چاہیے ورنہ ڈنڈا ہوگا ، اگر ہم نہیں رہے تو یہ بھی نہیں رہیں گے۔

شیخ رشید نے کہا کہ ایک ایک ٹن منشیات کے کیسز والوں کو ای سی ایل سے نکالا گیا، یہ لوگ ہمیں ختم کرنا چاہتے ہیں مگر انتقام کا نتیجہ بہت برا نکلے گا۔

سابق وزیر داخلہ مزید کہنا تھا کہ جو حکومت تین ہفتوں میں بےنقاب ہوجائے ، یہ بوٹ پالیشیاں ہیں ، عمران خان نے غلط نہیں کہا، یہ لوگ انتقام کی سیاست پر اتر آئے ہیں کیونکہ یہ بے نقاب ہوچکےہیں۔

پی ٹی آئی رہنما نے کہا کہ اب آپ دیکھیں گے ایک ایک کرکے ان کے لوگ پیچھے ہوتے جائیں گے، مجھے ڈر ہے جھاڑو نہ پھر جائے ، پنڈی میں رہتا ہوں جذبات سے واقف ہوں۔

Comments

یہ بھی پڑھیں