لاہور : عوامی مسلم لیگ کے سربراہ شیخ رشید کا کہنا ہے کہ نوازشریف کامارچ سے پہلے کِک مارچ ہوجائے گا،نوازشریف کی حالت قابل رحم ہے۔
تفصیلات کے مطابق عوامی مسلم لیگ کے سربراہ شیخ رشید نے اے آر وائی نیوز سے خصوصی گفتگو کرتے ہوئے کہا کہ نوازشریف کی حالت قابل رحم ہے، کھسیانی بلی کھمبانوچ رہی ہے۔
شیخ رشید کا کہنا تھا کہ نوازشریف نے کبھی نہ سوچا تھا یہ صورتحال ہوگی، یہ جوباتیں کررہے ہیں کہ فیصلہ دیا نہیں دلوایاجارہاہے ایسا کچھ نہیں ہے بلکہ یہ ان کے کرتوتوں کی وجہ سے ہورہاہے۔
سربراہ عوامی مسلم لیگ نے کہا کہ خوشی ہوگی نوازشریف عدالت میں کوئی ثبوت لائیں، یہ کمپنیاں کہاں سے آگئیں ،یہ ساری ایک داستان ہے۔
انکا مزید کہنا تھا کہ نوازشریف کامارچ سے پہلے کِک مارچ ہوجائے گا، چند ہزار افراد کے ساتھ 4،4دن کی مہم چلائی ، اس خاندان کاکوئی سیاسی مستقبل نہیں ہے۔
نوازشریف کو مریم نواز سے بڑا نقصان پہنچ رہا ہے، شیخ رشید
گذشتہ روز اے آر وائی نیوز کے پروگرام الیونتھ آور میں گفتگو کرتے ہوئے شیخ رشید کا کہنا تھا کہ نوازشریف کو مریم نواز سے بڑا نقصان پہنچ رہا ہے، میں کسی کا نام ای سی ایل میں ڈالنے کا حامی نہیں ہوں۔
انکا کہنا تھا کہ حدیبیہ پیپر ملز کیس کھل گیا توکچھ باقی نہیں رہے گا، احتساب کے مریض کا خاص اسٹائل ہوتا ہے، جیل جاتے ہی احتساب کے ملزم مریض بن جاتے ہیں۔
سربراہ عوامی مسلم لیگ نے کہا تھا کہ شریف خاندان حدیبیہ کیس میں مک مکا کرنے میں ناکام ہوگیا، شریف خاندان ماڈل ٹاؤن کیس میں بھی پھنس چکا ہے۔
