اسلام آباد : سابق وزیر داخلہ شیخ رشید کے بھتیجے شیخ راشد شفیق نے شیخ رشید کی گمشدگی کا پرچہ کٹوانے کا اعلان کردیا۔
تفصیلات سابق وزیر داخلہ شیخ رشید کے بھتیجے شیخ راشد شفیق نے اپنے بیان میں کہا ہے کہ شیخ رشید سینئرترین پارلیمنٹیرین ہیں،عدالت سے روانگی کےبعدسےلاپتہ ہیں، گمشدگی کا پرچہ کٹواؤں گا۔
شیخ راشد شفیق کا کہنا تھا کہ شیخ رشید کو کہاں رکھا گیا ہے ہمیں معلوم نہیں، کہاں لکھاہےکہ ریمانڈکےدوران فیملی نہیں مل سکتی۔
انھوں نے کہا کہ شیخ رشید نے صرف عمران خان کے بیان کو دہرایا ہے، اس بات کا انہوں نے عدالت میں بھی اعتراف کیا ،ہم چٹان کی طرح عمران خان کیساتھ کھڑے ہیں۔
شیخ رشید کے بھتیجے کا کہنا تھا کہ اگر میڈیا نہ ہوتا تو پتا نہیں شیخ رشید کیساتھ کیا کچھ ہوتا، اعلیٰ حکام سے مطالبہ کرتا ہوں شیخ رشید سے ملاقات کرنے دی جائے۔
