The news is by your side.

Advertisement

شیخ رشید نواز شریف سے متعلق دل کی بات زبان پر لے آئے، اہم بیان دے دیا

اسلام آباد: وفاقی وزیر داخلہ شیخ رشید دل کی بات زبان پر لے آئے اور کہا کہ نوازشریف گولی دینے میں کامیاب ہوگئے، جس کا دکھ عمران خان کو زیادہ ہے۔

تفصیلات کے مطابق اسلام آباد کے جی نائن مرکز میں ویکسینیشن سینٹر کے افتتاح کے موقع پر میڈیا سے بات کرتے ہوئے وفاقی وزیر داخلہ شیخ رشید کا کہنا تھا کہ جوتیوں میں دال بٹ رہی ہے، اتنی نالائق، نکمی، نکھٹو اور نا اہل اپوزیشن نہیں دیکھی، ملک میں کوئی اپوزیشن نہیں۔

میڈیا سے گفتگو میں وزیر داخلہ نے اعتراف کیا کہ نواز شریف گولی دینے میں کامیاب ہوئے جس کا عمران خان کو دکھ ہے، شہباز شریف کو ہم نے روک لیا اور نام ای سی ایل میں ڈالا ہے، اب ان کی وزارت داخلہ کو درخواست دینےکی مدت بھی ختم ہو گئی ہے۔

وزیر داخلہ نے کہا کہ کووڈ نائنٹین کے خلاف ڈبلیو ایچ او نے پاکستان میں زبردست کام کیا، تمام ہیلتھ ورکز کو سلام پیش کرتا ہوں، پاکستان کے طبی عملے نے کرونا کے خلاف تاریخ رقم کی، عالمی وبا سے جاں بحق ڈاکٹرز شہادت کے رتبے پر فائز ہیں، کرونا ویکسینیشن میں چین نے بھرپور مدد کی، مڈل ایسٹ میں چینی ویکسین قبول کرنے کے معاملے کو عمران خان خود ہینڈل کررہے ہیں۔

شیخ رشید کا کہنا تھا کہ بجٹ پر جہانگیر ترین گروپ کے تمام ووٹ عمران خان کے حق میں پڑیں گے، بجٹ آ رہا ہے مزدوروں کی تنخواہوں اور پنشن میں اضافہ ہوگا۔

Comments

یہ بھی پڑھیں