اپیل ختم نبوت کے معاملے حکومت کو ذلت آمیز شکست ہوئی،شیخ رشیدsheikh
The news is by your side.

Advertisement

اپیل ختم نبوت کے معاملے حکومت کو ذلت آمیز شکست ہوئی،شیخ رشید

اسلام آباد : عوامی مسلم لیگ کے سربراہ شیخ رشید کا کہنا ہے کہ ختم نبوت کے معاملے حکومت کو ذلت آمیز شکست ہوئی، حکومت غیر ملکی ایجنڈے پر چل رہی ہے۔

تفصیلات کے مطابق عوامی مسلم لیگ کے سربراہ شیخ رشید نے اپنے ویڈیو پیغام میں کہا ہے کہ یہ مہینہ انتہائی اہم ہے قوم کو اپیل کرتا ہوں جاگتے رہنا،ختم نبوت کے معاملے حکومت کو ذلت آمیز شکست ہوئی، حکومت غیر ملکی ایجنڈے پر چل رہی ہے۔

شیخ رشید نے نیا انکشاف کیا کہ آئین وقانون میں مزیدترمیم کی تیاریاں کی جارہی ہیں ،حکومت آئین میں عدلیہ اور اداروں کے خلاف ترامیم لانے والی ہے، ن کی ترمیم سے پہلے قوم کو بیدار ہونا چاہیے تاکہ وہ یہ فیصلہ کر سکے کہ یہ آئین میں ترامیم ملک اور قوم کیلئے نہیں بلکہ اپنی ذات کیلئے کر ررہے ہیں۔

گذشتہ روز عوامی مسلم لیگ کے سربراہ شیخ رشید نے کہا ہے کہ رینجرز کی تعیناتی کے معاملے کو بلاوجہ ایشو بنایا جارہا ہے، نواز شریف کے ذہن میں یہ بات ہے کہ پاک فوج ان کے راستے میں رکاوٹ ہے۔


مزید پڑھیں : نواز شریف سمجھتے ہیں فوج ان کی راہ میں رکاوٹ ہے، شیخ رشید


شیخ رشید نے مزید کہا کہ نوازشریف غیرملکی ایجنڈے اور پاک فوج کو پنجاب پولیس بنانے پر کام کررہے ہیں، وہ ملک کی معیشت کوتباہ کرنے پر تلے ہوئے ہیں، پاکستان کو ہرسطح پر کمزور کرنے کی سازش کی جارہی ہے، ساری صورتحال کے ماسٹرمائنڈ نوازشریف ہیں۔

انکا کہنا تھا کہ یہ لوگ بے نقاب ہوگئےہیں اس لیے ان کو جےآئی ٹی اچھی نہیں لگتی کیونکہ جے آئی ٹی میں ان کا پوسٹ مارٹم جو ہوگیا ہے۔

عوامی مسلم لیگ کے سربراہ نے کہا تھا کہ ناموس رسالت کے خلاف ووٹ دینے والوں کے ساتھ وہ ہوگا جو یاد رکھا جائے گا، پاک فوج اسلام کی فوج ہے، ناموس رسالت کی حفاظت فوج کرے گی، عوام پاک فوج اورعدلیہ کےساتھ ہے، وقت آنے پرعوام اپنا کردارادا کرے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

Comments

comments

یہ بھی پڑھیں