شیخوپورہ میں سی ٹی ڈی کی کارروائی،8دہشت گرد ہلاک -
The news is by your side.

Advertisement

شیخوپورہ میں سی ٹی ڈی کی کارروائی،8دہشت گرد ہلاک

شیخوپورہ:صوبہ پنجاب کےشہرشیخوپورہ میں محکمہ انسداد دہشت گردی کی کارروائی کےدوران 8دہشت گرد ہلاک جبکہ 4فرار ہونے میں کامیاب ہوگئے۔

تفصیلات کےمطابق شیخوپورہ کےعلاقےنارنگ منڈی کےعلاقے میں سی ٹی ڈی نےخفیہ اطلاع پر کارروائی کی اور اس دوران دہشت گردوں نے اہلکاروں پرفائرنگ کردی۔

سی ٹی ڈی اہلکاروں کی جوابی کارروائی میں 8 دہشت گرد ہلاک جبکہ 4فرار ہونے میں کامیاب ہوگئے۔فائرنگ کے تبادلے میں سی ٹی ڈی کے2اہلکار بھی زخمی ہوگئے۔

محکمہ انسداد دہشت گردی کےمطابق ہلاک دہشت گردوں کا تعلق کالعدم جماعت احرار گروپ سے تھا۔

سی ٹی ڈی ترجمان کے مطابق اس کارروائی کے دوران دہشت گردوں کے قبضے سے 3کلو بارودی مواد سمیت تین کلاشنکوف بھی برآمد ہوئی ہیں۔

ترجمان محکمہ انسداد دہشت گردی کےمطابق سی ٹی ڈی کی کارروائی کےدوران ہلاک ہونے والے دہشت گرد لاہور میں تخریب کاری کی منصوبہ بندی کررہے تھے۔

سی ٹی حکام کےمطابق کارروائی کےدوران فرار ہونے والے دہشت گردوں کی تلاش کے لیے چھاپے مارے جارہے ہیں۔


سی ٹی ڈی کی کارروائی‘ مال روڈ دھماکےکےسہولت کارسمیت 10دہشت گرد ہلاک


واضح رہےکہ رواں ماہ 8اپریل کو صوبہ پنجاب کے دارالحکومت لاہور میں سی ٹی کی کارروائی میں کالعدم تنظیم کے10دہشت گرد مارے گئے تھے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں

Comments

comments

یہ بھی پڑھیں