شیخوپورہ: پنجاب کے شہر شیخوپورہ میں سیکیورٹی ڈیوٹی پر مامور لیڈی کانسٹیبل کے ساتھ وکیل کو بدتمیزی کرنا مہنگا پڑگیا۔
تفصیلات کے مطابق صوبہ پنجاب کے شہر شیخوپورہ میں ڈیوٹی پر مامور لیڈی کانسٹیبل کے ساتھ احمد مختار نامی وکیل نے بدتمیزی کی اور تھپڑا مارا جس پر ڈی پی او شیخوپورہ نے فوری نوٹس لے لیا۔
ڈی پی شیخوپورہ کے حکم پر ملزم احمد مختار نامی وکیل کو گرفتار کیا گیا۔
ملزم کو لیڈی کانسٹیبل سے بدتمیزی اور تھپڑ مارنے پر اسی خاتون کانسٹیبل کے ہاتھوں اس کو عدالت میں پیش کیا گیا۔
ترجمان وزیراعلیٰ پنجاب ڈاکٹر شہباز گل نے سماجی رابطے کی ویب سائٹ ٹویٹر پر ملزم کی تصویر شیئر کی جو حوالات میں بند ہے اور دیکھا جاسکتا ہے کہ لیڈی کانسٹیبل ملزم کو عدالت میں پیش کررہی ہے۔
شیخوپورہ میں سکیورٹی ڈیوٹی پر مامور لیڈی کانسٹیبل کے ساتھ احمد مختار نامی وکیل نے بدتمیزی کی اورتھپر ما را۔جس پر ڈی پی او شیخوپورہ نے فوری نوٹس لیتے ہوئے اسے گرفتار کیا اور آج اسی لیڈی کانسٹیبل کے ہاتھوں اس کو عدا لت میں پیش کیا گیا. pic.twitter.com/d0Ze9tldVV
— Dr. Shahbaz GiLL (@SHABAZGIL) September 6, 2019
واضح رہے کہ اس سے قبل رحیم یار خان پولیس نے اے ٹی ایم سے کارڈ چرانے والے صلاح الدین کو دوران حراست مبینہ طور پر تشدد کرکے ہلاک کردیا تھا۔
صلاح الدین کی موت کا وزیراعلیٰ پنجاب نے نوٹس لیتے ہوئے پولیس افسران کو معطل کردیا تھا، سوشل میڈیا پر صلاح الدین کو انصاف فراہم کرنے کے لیے لوگوں نے اے ٹی ایم مشین کے پاس زبان چڑا کر سیلفیاں لینا شروع کردی تھیں۔
مقتول صلاح الدین کے والد کا کہنا تھا کہ بیٹا ذہنی معذور تھا اور ہم نے اسی لیے اس کے ہاتھ پر نام اور گھر کا پتا لکھوایا ہوا تھا کہ وہ کہیں گم ہوجائے تو عوام اسے گھر پہنچادیں۔