شیخوپورہ: پنجاب کے شہر شیخوپورہ میں پڑوسی کی سوشل میڈیا پر ویڈیو نے زنجیر سے جکڑے بچے کو رہائی دلا دی۔
تفصیلات کے مطابق شیخوپورہ کے علاقے رسول نگر میں پولیس نے زنجیروں سے بندھا بچہ بازیاب کرا لیا، یہ افسوس ناک انکشاف ہو اکہ 8 سال کے بچے کو اس کے اپنے ہی باپ نے باندھ دیا تھا۔
پولیس حکام کے مطابق بچہ اپنے پڑوسی کے ساتھ مارکیٹ گیا تھا، جس پر باپ نے سزا کے طور پر اسے چھت پر زنجیر سے باندھ دیا، اور بچہ رات بھر بھوکا پیاسا چھت پر کھڑا رہا۔
- Advertisement -
تاہم پڑوسی نے بچے کی ویڈیو بنا کر سوشل میڈیا پر ڈال دی، ویڈیو وائرل ہونے پر پولیس نے کارروائی کرتے ہوئے بچے کے باپ کو گرفتار کر کے قانونی کارروائی شروع کر دی۔
