سینئر سیاستدان شیخ رشید نے کہا ہے کہ بِکنے والوں کا جمعہ بازار لگا دیا گیا ہے تاہم اوپر اللہ اور نیچے عدالت ہے جیت عدلیہ اور آئین وقانون کی ہوگی۔
اے آر وائی نیوز کے مطابق پاکستان مسلم لیگ عوامی کے سربراہ شیخ رشید احمد نے ملک کی موجودہ سیاسی صورتحال پر سماجی رابطوں کی ویب سائٹ ٹوئٹر پر اظہار خیال کیا ہے۔
شیخ رشید نے اپنے ٹویٹ میں کہا ہے کہ بِکنے والوں کا جمعہ بازار لگا دیا گیا ہے۔ تاہم اوپر اللہ اور نیچے عدالت ہے جیت عدلیہ اور آئین وقانون کی ہوگی۔ 16 جون تک آر یا پار ہو جائے گا۔
سینیئر سیاستدان نے کہا کہ 4 مرلے کی لال حویلی کا کیس بھی ہنگامی طور پر آج لگا دیا ہے۔ میں جب تک گرفتار نہیں ہوتا ٹوئٹر پر وڈیو پیغام کے ذریعے عوام سے رابطہ رکھنے کی کوشش جاری رکھوں گا۔
16جون تک آر یا پار ہو جائےگا 4مرے کی لال حویلی کا کیس بھی ہنگامی طور پر آج لگا دیا ہے بکنے اور بکنے والوں کاجمہ بازار لگا دیاگیاہے جب تک گرفتار نہیں ہوتاوڈیو ٹوئٹر کے ذریعے عوام سے رابطہ رکھنے کی کوشیش جاری رکھوں گا اوپر اللہ ہے نیچے عدلیہ اورانشاءاللہ عدلیہ آئین وقانون جیتےگا
— Sheikh Rashid Ahmed (@ShkhRasheed) May 18, 2023
ان کا کہنا تھا کہ حکمرانوں کو عدلیہ کے فیصلے نامنظور ہیں۔ عدالت ضمانت دیتی ہے تو ایک ریڈی میٹ ایف آئی آر پہلے سے تیار ہوتی ہے۔ 13 جماعتیں اپنی نا اہلی کاغصہ عوام پر نکلوا رہی ہیں۔ اب تھانوں میں اذیت اور گھروں میں بھوک ہے یعنی آگے کھائی اور پیچھے گڑھا ہے۔
سابق وفاقی وزیر نے کہا کہ سپریم کورٹ کا گھیراؤ اور کبھی عوام کو اداروں سے لڑوانے کی ناکام سازش حکومت کا ایجنڈا ہے۔ ملک سیاسی، معاشی اور اقتصادی طور پر تباہ ہوگیا ہے جب کہ آئی ایم ایف سے چھٹی اور دوستو سے کُٹی ہو گئی ہے۔
شیخ رشید نے مزید کہا کہ آج زیادہ تر وہ پولیس والے متحرک ہیں جو نواز شریف کے ایم این ایز اور ایم پی ایز کے کوٹے پر بھرتی ہوئے اور آج پولیس میں سینیئر افسر بن چکے ہیں۔
13جماعتیں اپنی نااہلی کاغصہ عوام پرنکلوارہی ہیں اس میں زیادہ تروہ پولیس والےایکٹیوہیں جونوازشریف کےMNA MPAکےکوٹےسے بھرتی ہوئےاورآج پولیس میں سینئرافسر بن چکےہیں میں نے2ٹویٹ دینےتھےلیکن میرےلوگوں کوغیرقانونی طورپرگھروں سےاٹھا لیاہےدیکھناہےکہ انہیں آج عدالت میں پیش کرتے ہیں یانہیں
— Sheikh Rashid Ahmed (@ShkhRasheed) May 18, 2023
سینیئر سیاستدا نے کہا کہ میں نے 2 ٹویٹ دینے تھے لیکن میرے لوگوں کو غیر قانونی طور پر گھروں سے اٹھا لیا ہے۔ اب دیکھنا یہ ہے کہ انہیں آج عدالت میں پیش کرتے ہیں یا نہیں۔
