پاکستان مسلم لیگ عوامی کے سربراہ شیخ رشید نے کہا ہے کہ چور دروازے سے آنیوالی پی ڈی ایم حکومت الیکشن میں جانے سے گھبرا رہی ہے یہ جیلوں میں ہوں گے یا عوام کی عدالتوں میں جلد پتہ لگ جائے گا۔
اے آر وائی نیوز کے مطابق سپریم کورٹ کی جانب سے اسٹیٹ بینک کو الیکشن کمیشن کو انتخابات کے لیے 21 ارب کے فنڈز اجرا کرانے کی آج آخری تاریخ ہے اور قومی اسمبلی کی قائمہ کمیٹی برائے خزانہ نے اس معاملے پر بل قومی اسمبلی کو بھیج دیا ہے۔ تمام صورتحال کے حوالے سے سینیئر سیاستدان شیخ رشید نے سماجی رابطوں کی ویب سائٹ ٹوئٹر پر اپنے ردعمل کا اظہار کیا ہے۔
شیخ رشید نے اپنے ٹویٹ میں کہا ہے کہ اسٹیٹ بینک الیکشن کمیشن کو پیسے جاری کرتا ہے یا نہیں آج پتہ لگ جائے گا۔ اگر حکم عدولی ہوتی ہے تو ابتدا اسٹیٹ بینک سے ہی کی جائے۔
اسٹیٹ بنک پیسےجاری کرتا ہےیا نہیں کرتا آج پتہ لگ جائےگااگراسٹیٹ بینک الیکشن کمیشن کوپیسےنہ بھیج کرحکم عدولی کرتاہےتو ابتداء اسٹیٹ بینک سےہی کی جائےیہ جیلوں کی سلاخوں کےپیچھے ہوں گےیاعوام کی عدالتوں میں ہوں گےاس کابھی پتہ لگ جائےگاسراج الحق کےمذاکرات حقیقت پرمبنی ہوں تواچھی بات ہے
— Sheikh Rashid Ahmed (@ShkhRasheed) April 17, 2023
انہوں نے کہا کہ نگران حکومت کے 90 روز پورے ہو گئے، یہ کس شوق اور اختیار کے تحت بیٹھے ہیں۔ چور دروازے سے آنیوالی پی ڈی ایم حکومت الیکشن میں جانے سے گھبرا رہی ہے۔ وزیر داخلہ کا 14 مئی کو انتخابات نہ ہونے کا بیان عدلیہ کے فیصلے کی حکم عدولی ہے۔ یہ جیلوں میں ہوں گے یا عوام کی عدالتوں میں جلد پتہ لگ جائے گا۔
وزیر داخلہ کابیان کہ14مئی کوانتخابات نہیں ہونگےعدلیہ کےفیصلےکی سرعام حکم عدولی ہےچور دروازے سےآنےوالیPDMکی حکومت الیکشن کےچوک اورچوراہے میں جانےسےگھبرا رہی ہےنگران حکومت کے90روز پورےہوگئےہیں تویہ کس شوق کس اختیارکےتحت بیٹھےہوئےہیں۔غیرملکی انویسمینٹ غیرملکی ایرلائینز بند ہورہی ہیں
— Sheikh Rashid Ahmed (@ShkhRasheed) April 17, 2023
سابق وفاقی وزیر کا کہنا تھا کہ عدلیہ کو دھمکیاں دی جا رہی ہیں اور غیر اخلاقی مہم چلائی جا رہی ہے۔ قومی اسمبلی تحلیل نہ ہوئی تب بھی صوبائی الیکشن اپنے وقت پر ہی ہوں گے۔ سراج الحق کےمذاکرات حقیقت پر مبنی ہوں تو اچھی بات ہے
شیخ رشید نے یہ بھی کہا کہ نیب کے کیسز سپریم کورٹ میں فیصلہ طلب ہیں۔ ان شاءاللہ عدالت عظمیٰ نیب ترامیم کو کالعدم قرار دے گی۔
