شکار پور: ٹاؤن رستم کے قریب سے ڈاکوؤں نے مسافر وین سے 4 افراد کو اغوا کیا اور کچے کی طرف فرار ہوگئے۔
تفصیلات کے مطابق شکار پور میں ڈاکوؤں کی لوٹ مار اور اغوا برائے تاوان کی اجتماعی واردات سامنے آئی، چار موٹر سائیکلوں پر سوار آٹھ ڈاکوؤں نے سکھر سے رستم جانیوالی مسافر وین روک لی۔
ڈاکوؤں نے وین میں سوار افراد سے رقم موبائل فون اور قیمتی سامان لوٹا اور چار مسافروں کو اغوا کر کے کچے کی طرف فرار ہو گئے۔
- Advertisement -
،مسافر نے بتایا کہ وین چک سےٹاؤن رستم جارہی تھی لنک روڈپردھاوابولاگیا اور مسافروں کو لے گئے۔
مسافروں نے چک لنک روڈ بند کرکے احتجاج شروع کردیا جبکہ مغوی افراد کے اہل خانہ اور علاقے کے لوگوں نے رستم تھانے کا گھیراؤ کر لیا۔
مظاہرین نے شکارپور پولیس کیخلاف نعرے لگاتے ہوئے مغویوں کی بازیابی کے لیے کارروائی کا مطالبہ کیا ہے۔
