The news is by your side.

Advertisement

جاپان کے وزیراعظم مستعفی ہو گئے

ٹوکیو: جاپان کے وزیر اعظم شنزو آبے نے ناساز طبیعت کے باعث عہدے سے استعفیٰ دے دیا۔

بین الاقوامی میڈیا رپورٹس کے مطابق بڑی آنت کے عارضہ کا شکار شنزو آبے نے وزارت عظمیٰ کے منصب سے استعفیٰ دے دیا ہے۔

حکمران جماعت لبرل ڈیموکریٹک پارٹی نے شنزو آبے کے استعفے کی تصدیق کرتے ہوئے بتایا ہے کہ صحت کی خرابی کے باعث وزیراعظم نے استعفیٰ دیا ہے۔

شنزو آبے 8 سال تک وزیراعظم کے عہدے پر فائز رہے، وہ سنہہ 2012 میں وزیراعظم بنے تھے اور رواں سال ہی انہوں نے ملک کے طویل ترین وزیراعظم رہنے کا اعزاز حاصل کیا تھا۔

65سالہ شنزو آبے کا کہنا ہے کہ وہ اپنی بیماری کے باعث حکومت کے لیے مسائل پیدا نہیں کرنا چاہتے اس لیے طبی بنیادوں پر وہ منصب سے علیحدہ ہو رہے ہیں۔

Comments

یہ بھی پڑھیں