نئی دہلی : ہندو انتہا پسند تنظیم شیو سینا نےنواز شریف کو سالگرہ کی مبارکباد دینے پر نریندر مودی پر تنقید شروع کردی ہے۔
ہندو انتہا پسندوں نے پاکستان دشمنی میں اپنے وزیراعظم کو بھی نہ بخشا، نریندرمودی بھی شیو سینا کے نشانے پر آگئے، شیو سینا کےاخبار سامانا نے لکھا کہ مہاراج حکومت کے چترا پتی شیواجی نے کبھی دشمن کو مبارک باد کا پیغام نہیں بھیجا، مودی نے پاکستانی ہم منصب کو ہیپی برتھ ڈے کیوں کہا ؟
شیو سینا کی جانب سے نریندر مودی پر یہ تنقید شیوا جی کے مجسمے کا سنگ بنیاد رکھنے کے چند روز بعد سامنے آئی ہے، جو تئیس ارب روپے کی لاگت سے تیار کیا جائے گا۔
خیال رہے کہ 16 ویں صدی میں مرہٹہ دور کی معروف شخصیت حوالے سے پہلے ہی نریندر مودی پر شدید دباؤ ہے۔
مزید پڑھیں : وزیرِاعظم نواز شریف کی سالگرہ، مودی کی بھی مبارک باد
یاد رہے کہ پچیس دسمبر کو نریندر مودی نے ٹوئٹر پر اپنے پیغام میں نواز شریف کو سالگرہ پر مبارکباد پیش کی تھی۔
Birthday wishes to Pakistan PM Mr. Nawaz Sharif. I pray for his long and healthy life.
— Narendra Modi (@narendramodi) December 25, 2016
بھارتی وزیراعظم نریندر مودی نے سماجی رابطے کی ویب سائیٹ ٹیوٹر پر اپنے ایک پیغام میں وزیراعظم پاکستان میاں محمد نواز شریف کے 61 ویں سالگر کے موقع پر مبارک دیتے ہوئے نیک تمناؤں کا اظہار کیا اور کہا کہ آپ کی درازی عمر اور صحت مند زندگی کے لیے دعا گو ہوں۔
