The news is by your side.

Advertisement

’6 گیندیں کھیلوں، موٹرسائیکل تمھاری‘ : شعیب اختر کا فہد مصطفیٰ کو چیلینج

راولپنڈی: قومی کرکٹ ٹیم کے سابق فاسٹ بولر شعیب اختر نے پاکستانی فلم انڈسٹری کے باصلاحیت اداکار اور معروف میزبان و اداکار فہد مصطفیٰ کو سامنا کرنے کا چیلنج دے دیا۔

پاکستان فلم انڈسٹری کے باصلاحیت اداکار اور ملک کے مقبول ترین گیم شو ’جیتو پاکستان‘ کے میزبان فہد مصطفیٰ نے تین روز قبل سماجی رابطے کی ویب سائٹ پر اپنی ایک ویڈیو شیئر کی۔

اس ویڈیو میں فہد مصطفیٰ نیٹ پر بیٹنگ پریکٹس کررہے تھے اور کرکٹ میں اپنی مہارت دکھانے کی کوشش کررہے تھے۔ اب تک یہ واضح نہیں ہوسکا کہ فہد مصطفیٰ نے کس بولر کا سامنا کر کے اسٹروکس کھیلے۔

جیتو پاکستان کے میزبان کی ویڈیو وائرل ہوئی تو قومی کرکٹ ٹیم کے سابق فاسٹ بولر شعیب اختر میدان میں آئے اور انہوں نے فہد مصطفیٰ کو چیلنج دیا۔

شعیب اختر نے فہد مصطفیٰ کو مخاطب کر کے لکھا کہ ’اگر 6 گیندیں کھیل لیں تو موٹر سائیکل آپ کی ہوگی‘۔

راولپنڈی ایکسپریس نے مزید لکھا کہ ’فہد آپ غلط شعبے میں چلے گئے، آئیں اور پاکستان کے لیے کھیلیں مگر اُس سے پہلے نیٹ پر میرا سامنا کریں‘۔

اس ویڈیو پر قومی کرکٹ ٹیم کے سابق کپتان سرفراز احمد نے فہد مصطفیٰ کی بیٹنگ صلاحیتوں کی تعریف کرتے ہوئے لکھا کہ ’آپ بھی ابوظبی ساتھ آجائیں‘۔

فہد مصطفیٰ کی ویڈیو پر اے آر وائی نیوز کے معروف پروگرام سر عام کے اینکر اقرار الحسن نے بھی ٹویٹ کیا اور اکیلے کرکٹ کھیلنے کا شکوہ کیا جبکہ قومی کرکٹ ٹیم کے بلے باز امام الحق نے میزبان کی بلے بازی کی تعریف کی۔

Comments

یہ بھی پڑھیں