ٹی 20 ورلڈ کپ کے پہلے ہی میچ میں پاکستان کی بھارت کے ہاتھوں شکست پر وسیم اکرم نے غلطیوں کی نشاندہی کردی۔
اے اسپورٹس کے پروگرام ’دی پویلین‘ میں وسیم اکرم، وقار یونس اور شعیب ملک موجود ہیں جو میچ سے قبل اور میچ کے بعد کی غلطیوں سے متعلق بتاتے ہیں۔
گزشتہ روز میچ کے بعد شعیب ملک نے کہا کہ ’بھارتی بولر رضوان کے خلاف پلان کرکے آئے تھے کہ وہ انہیں آف اسٹمپ پر ہی گیند کریں گے اور وہ اس میں کامیاب بھی ہوگئے۔
انہوں نے کہا کہ بھونیشور نے اپنے پہلے ہی اوور میں رضوان کو آف سائیڈ پر گیندیں کیں اور انہیں اسی بال پر آؤٹ بھی کیا۔
شعیب ملک کے مطابق ایسی صورتحال میں بیٹرز کو روم بنا کر کھیلنا چاہیے اور اسے پتا ہوتا ہے کہ اس کی کمزوری کیا ہے پھر اسی مناسبت سے گیم کھیلنا پڑتا ہے۔
Even Pandya Knows : He Just Threw Away His Wicket !! #HaiderAli For You !! pic.twitter.com/8buqkDO50d
— T.Writes🇵🇰 (@TWrites11) October 23, 2022
وسیم اکرم نے شعیب ملک سے پوچھا کہ ’بیٹرز کو کب یہ پتا چل جاتا ہے کہ میری کمزوری کیا ہے۔‘
شعیب ملک نے بتایا کہ ’وسیم بھائی یہ تو کلب کرکٹ میں ہی پتا چل جاتا ہے۔‘ اس پر وسیم اکرم بولے کے پھر حیدر علی کو یہ ابھی تک معلوم نہیں ہوا ہے۔
واضح رہے کہ ورلڈ کپ میں قومی ٹیم اپنا دوسرا میچ 27 اکتوبر بروز جمعرات کو زمبابوے کے خلاف کھیلے گی جبکہ 30 اکتوبر کو قومی ٹیم کو نیدرلینڈز کا چیلنج درپیش ہوگا۔
