کراچی : پاکستان کرکٹ ٹیم کے سابق کپتان شعیب ملک، فاسٹ بولر شاہین شاہ اور محمد وسیم جونیئر پاک بھارت ٹاکرا دیکھنے کے لیے اسٹیڈیم میں موجود تھے۔
میچ دیکھتے ہوئے شعیب ملک نے دبئی انٹرنیشنل کرکٹ اسٹیڈیم میں شاہین شاہ کے ساتھ بیٹھے ہوئے ایک ویڈیو ریکارڈ کی جس میں انہوں نے کہا کہ آج ہم بھارت کے خلاف میچ میں سب سے زیادہ کمی جس کی محسوس کررہے ہیں وہ ہیں فاسٹ بولر شاہین شاہ آفریدی۔
View this post on Instagram
اس موقع پر شاہین شاہ آفریدی نے شیعب ملک کے ہمراہ مسکرا کر کیمرے کی جانب دیکھا، بعد ازاں سابق کپتان نے یہ ویڈیو سوشل پر اپ لوڈ کی۔
واضح رہے کہ شاہین آفریدی اور محمد وسیم جونیئر انجری کے باعث ایشیا کپ سے باہر ہیں لیکن قومی ٹیم کے ساتھ ہی دبئی میں موجود ہیں۔
بھارت نے پاکستان کو سنسنی خیز مقابلے کے بعد شکست دیدی
واضح رہے کہ گزشتہ رات دبئی کے میدان میں بھارت نے پاکستان کو دلچسپ مقابلے کے بعد 5 وکٹوں سے شکست دے کر ایشیا کپ میں فاتحانہ آغاز کیا ہے۔
دبئی کے انٹرنیشنل اسٹیڈیم میں کھیلے گئے میچ میں پاکستان کی جانب سے دیا گیا 148 رنز کا ہدف بھارت نے جڈیجا اور پانڈیا کی شاندار بیٹنگ کی بدولت آخری اوور میں حاصل کرلیا۔
