قومی کرکٹر شعیب ملک کی اہلیہ بھارتی ٹینس اسٹار ثانیہ مرزا ننھے اذہان کے ہمراہ اکثر ویڈیو سوشل میڈیا پر شیئر کرتی رہتی ہیں جسے مداحوں کی جانب سے بھی بھرپور پذیرائی ملتی ہے۔
شعیب ملک اور ثانیہ مرزا کی ایک اور انسٹاگرام ویڈیو سوشل میڈیا پر وائرل ہورہی ہے جس میں دونوں نے ننھے اذہان کو ’پاپا‘ کہنے سے روک دیا۔
سوشل میڈیا پر دیکھا جاسکتا ہے کہ شعیب اور ثانیہ ایک ورچوئل انٹرویو دے رہے ہیں جس میں انہیں اہلیہ ثانیہ مرزا سے مختلف سوالوں کے جواب لیتے دیکھا جاسکتا ہے۔
ویڈیو میں شعیب سے ثانیہ نے ان کے پسندیدہ کھلاڑی سمیت مختلف موضوعات پر سوال و جواب کیے جبکہ اسی دوران والد کو کیمرے میں دیکھ کر اذہان نے شعیب ملک کو ’پاپا‘ کہنا شروع کردیا۔
ننھے اذہان سے خود کو ’پاپا‘ سن کر شعیب نے فوراً انہیں ٹوکا اور کہا کہ پاپا نہیں بولو جس پر ثانیہ نے بھی بیٹے کو کہا کہ ’بابا‘ بولو، پھر اذہان نے انہیں بابا کہہ کر پکارا۔
شعیب اور ثانیہ کی ویڈیو مداحوں کی جانب سے خوب سراہا جارہا ہے اور ہزاروں صارفین ان کی ویڈیو دیکھ چکے ہیں۔
