بھارت میں گھریلو ملازمہ نے صفائی کے دوران شرمناک حرکت کی جس کی ویڈیو گھر میں لگے سی سی ٹی وی کیمرے میں محفوظ ہوگئی۔
بھارتی میڈیا رپورٹس کے مطابق گریٹر نوئیڈا ویسٹ میں واقع ہائی رائز سوسائٹی میں گھریلو ملازمہ نے پیشاب سے پورے گھر کا پوچھا لگا دیا جس کی ویڈیو سوشل میڈیا پر وائرل ہورہی ہے۔
فلیٹ کے مالک کی شکایت پر پولیس نے گھریلو ملازمہ کو گرفتار کرلیا۔
ویڈیو میں خاتون کو تیس سیکنڈ تک گھر کی صفائی کرتے دیکھا جاسکتا ہے، خاتون پوچھے کی بالٹی میں پیشاب کرتی ہے اور پھر پوچھے کو اسی سے بھگا کر گھر کی صفائی کرنے لگ جاتی ہے۔
خاتون کی اس حرکت پر سوسائٹی میں گھریلو ملازماؤں کے داخلے پر پابندی عائد کردی گئی ہے۔
رپورٹ میں بتایا گیا ہے کہ خاتون ایک سال سے اسی سوسائٹی میں کام کررہی تھیں تاہم یہ واضح نہیں ہوسکا ہے کہ اس نے ایسا کیوں کیا؟
پولیس کا بتانا ہے کہ فلیٹ کے مالک نے خاتون کے خلاف تحریری درخواست دی جس کے بعد اسے گرفتار کیا گیا، خاتون نے شرمناک عمل کا اعتراف کرلیا ہے، خاتون کی شناخت سویرا خاتون کے نام سے ہوئی ہے جسے جیل بھیج دیا گیا ہے۔
