مانسہرہ: سیاحتی مقامات شوگران اور وادئ کاغان میں شدید برف باری کی وجہ سے بند رابط سڑکیں کھولنے کا کام جاری ہے۔
تفصیلات کے مطابق عوامی مشکلات کے پیش نظر کاغان ڈویلپمنٹ اتھارٹی کے اسٹاف نے بھاری مشینری کے ساتھ رابطہ سڑکوں کی بحالی پر کام جاری رکھا ہوا ہے۔
سیاحوں کی سہولت اور آسانی کے لیے شوگران روڈ کھولنے کے بعد کاغان میں رابطہ سڑکوں سے برف ہٹانے کا کام جاری ہے جہاں ڈیڑھ سے دو فٹ تک برف کی تہہ موجود ہے۔
- Advertisement -
ڈائریکٹر جنرل کے خصوصی احکامات پر وادئ کاغان اور شوگران، کولئی پالس اور دیگر مقامات پر برفباری کے بعد وادی کے خوب صورت مناظر اور دل کش نظاروں سے لطف اندوز ہونے کے لیے آنے والے سیاحوں اور مقامی لوگوں کی رہنمائی اور مدد کے لیے اہلکار بھی تعینات کیے گئے ہیں۔
