1975 میں ریلیز ہونے والی بالی وڈ کی سب سے مشہور فلموں میں سے ایک شعلے کے حوالے سے عادل حسین نے اہم انکشاف کیا ہے۔
جذبات، ڈرامہ، رقص، ایکشن سے بھرپور بالی وڈ کی سب سے مشہور فلم شعلے بڑی اسکرینوں پر ریلیز ہوئی تھی اور باکس آفس پر زبردست کمائی کی تھی، اس فلم میں امیتابھ بچن، ہیما مالنی اور دھرمیندر نے اہم کردار ادا کیے تھے۔
لیکن کیا آپ جانتے ہیں کہ اس فلم کے بہت سے مناظر ہالی وڈ کی مختلف فلموں سے متاثر اور کاپی کیے گئے تھے؟ جی ہاں ایک بار پھر بالی وڈ کی ایک اور سپر ہٹ فلم ہالی وڈ کا چربہ ہے۔
اداکار عادل حسین اور سوشل میڈیا پر صارفین نے شعلے اور ہالی وڈ فلموں کے مختلف مناظر کے درمیان غیر معمولی مماثلت کی نشاندہی کی ہے۔
اداکار عادل حسین نے اپنے ٹوئٹر ہینڈل پر سرجیو لیونک کے مشہور 1975 اسپگیٹی ویسٹرن ونس اپون اے ٹائم ان دی ویسٹ کا ایک سیکوئینس شیئر کیا، جو شعلے کے سین سے کافی ملتا جلتا ہے جہاں گبر (امجد خان) ٹھاکر (سنجیو کمار) کے خاندان کو ایک ایک کرکے گولی مار دیتے ہیں۔
کلپ کو شیئر کرتے ہوئے اداکار عادل نے لکھا کہ ’’کس نے سوچا ہوگا کہ بھارت میں سب سے زیادہ دیکھی جانے والی فلموں میں سے ایک اس فلم کی کاپی ہوں گی یا ۔۔۔۔۔۔شاید آپ کو پہلے ہی سے اس کا علم تھا؟
Ha ha… Who would have thought that portions of one of the most watched/ Admired films in India will be a copy of this film below… Probably you already knew that!? .. But didn't.. pic.twitter.com/jeIad77Gs5
— Adil hussain (@_AdilHussain) July 31, 2023
ویڈیو سوشل میڈیا پر وائرل ہونے کے بعد صارفین کی جانب سے مختلف تبصروں کا سلسلہ جاری ہے، ایک صارف نے کہا کہ واہ۔۔۔میں تو حیران ہوں جس فلم نے نوجوان نسلوں کو متاثر کیا وہ بھی کاپی تھی۔
ایک اور صارف نے حیرانگی کا اظہار کرتے ہوئے کہا کہ شعلے بھی؟؟؟؟؟؟ یہ اندازہ لگانا مشکل ہوگیا ہے کہ آج کل اصل سینما کونسا ہے۔
ایک اور صارف نے کہا کہ ” شعلے فلم میں درجن سے زیادہ سین ہالی فلموں کا مرکب ہے۔ مشہور دھرمیندر واٹر ٹینک کا منظر ’سیکریٹ آف سانتا وکٹوریہ‘ کا ہے۔ ‘محبوبہ’ کا گانا اور ایکشن سین ‘دی پروفیشنلز’ (برٹ لینچسٹر اور لی مارون) کا ہے۔