ڈرائیور کو نیند آنے کا بھیانک نتیجہ، بس ٹریلر سے ٹکرا گئی

شورکوٹ: پنجاب کے ضلع جھنگ کے شہر شورکوٹ میں ایک بس ڈرائیور کو نیند آنے کا بھیانک نتیجہ نکلا، تیز رفتار بس ٹریلر سے ٹکرا گئی، جس میں دو افراد جاں بحق ہو گئے۔

تفصیلات کے مطابق شورکورٹ میں ایم 4 باہو انٹرچینج پر ایک بس ٹریلر سے ٹکرا گئی، حادثے میں 2 افراد جاں بحق ہو گئے، موٹر وے پولیس کا کہنا تھا کہ حادثہ بس ڈرائیور کو نیند آنے کی وجہ سے پیش آیا۔

موٹر وے پولیس کے مطابق حادثے میں جاں بحق ہونے والوں میں بس کا ڈرائیور بھی شامل ہے، حادثے کی شکار بس سیالکوٹ سے راجن پور جا رہی تھی۔

Comments