ملک میں عید الفطر آج مذہبی جوش و جذبے کے ساتھ منائی جارہی ہے اور لوگ اپنے پیاروں کو عید کی مبارکباد دے رہے ہیں۔
عید الفطر کے موقع پر لوگوں کی جانب سے نت نئے ملبوسات زیب تن کیے جاتے ہیں اور اہلخانہ کے ہمراہ رشتے داروں کے یہاں شرکت ہیں اور تفریح گاہوں کا رخ بھی کرتے ہیں۔
ایسے میں شوبز انڈسٹری سے تعلق رکھنے والی شخصیات نے عید الفطر پر اپنی تصاویر مداحوں کے ساتھ شیئر کیں اور عید کی مبارکباد پیش کی۔
اداکارہ صبور علی نے اپنے شوہر اداکار علی انصاری کے ساتھ عید کی تصویر انسٹاگرام پر شیئر کی، علی انصاری نے سیاہ شلوار قمیض زیب تن کی جبکہ صبور نے بھی سیاہ اور گولڈن رنگ کے خوبصورت لباس کا انتخاب کیا۔
اداکارہ کبریٰ خان نے عید کے پہلے دن ہلکے ہرے رنگ کے جوڑے کا انتخاب کیا اور لکھا کہ میری حسین عید ہے۔
اداکارہ کنزہ ہاشمی نے مداحوں کو عید کی مبارک باد پیش کی اور انہوں نے عید کے پہلے دن پیلے رنگ کا جوڑا پہنا۔
اداکار بلال قریشی نے عید کی خوشیاں اپنی فیملی کے ہمراہ مناتے ہوئے سوشل میڈیا پر اپنے مداحوں کو عید کی مبارک باد پیش کی۔
سینئر گلوکارہ و اداکارہ حدیقہ کیانی نے بھی اپنی عید کی تصویر شیئر کی۔
اداکارہ یشما گل نے اپنی عید کی تیاری کے حوالے سے سوشل میڈیا پر ویڈیو شیئر کی، جس میں انہوں نے اپنے عید کے جوڑے کو دکھایا۔
