کراچی: ماڈل منال سلیم اور دیگر کی جانب سے تنقید کرنے پر اب شوبز شخصیات اداکارہ ثنا جاوید کی حمایت میں سامنے آگئیں۔
اداکارہ ثنا جاوید کے خلاف چند دن سے ماڈلز، میک اپ آٹسٹس، اسٹائلسٹس اور اداکارائیں نامناسب رویے کے الزامات لگائے تھے اور اداکارہ نے الزامات لگانے والوں کے خلاف قانونی کارروائی کا اعلان بھی کر رکھا ہے۔
تاہم اب بعض شوبز شخصیات اور صحافیوں نے ثنا جاوید کی حمایت کرتے ہوئے اپنا تجربہ شیئر کیا ہے کہ انہوں نے کبھی بھی اداکارہ کو بدتمیز نہیں پایا۔
فہد مصطفیٰ نے لکھا کہ انہوں نے ثنا جاوید کے ساتھ متعدد منصوبوں میں ایک ساتھ کام کیا اور اداکارہ ان کے ساتھ شو میں گزشتہ دو سال سے بھی کام کر رہی ہیں اور انہوں نے کبھی بھی انہیں غیر پیشہ ورانہ نہیں پایا۔
I have worked with Sana Javed on various projects and she’s been a part of my show for the last 2 years & in these times I’ve found her extremely professional and humble not just with me but with my team too.
Wish you luck 👍 pic.twitter.com/4kRyrqytEI— Fahad Mustafa (@fahadmustafa26) March 11, 2022
اداکار نے لکھا کہ نہ صرف انہوں نے بلکہ ان کی ٹیم کے دیگر ارکان نے بھی ثنا جاوید کو بہترین شخصیت کے طور پر جانا، ساتھ ہی انہوں نے اداکارہ کے لیے نیک خواہشات کا اظہار بھی کیا۔
ہدایت کار اور فلم ساز ندیم بیگ نے انسٹاگرام پر ثنا جاوید کے ساتھ تصویر شیئر کرتے ہوئے لکھا کہ انہوں نے اداکارہ کے ساتھ ’پیارے افضل‘ سمیت دیگر منصوبوں میں ایک ساتھ کام کیا ہے اور
View this post on Instagram
انہوں نے کبھی بھی انہیں ایسی بدتمیزی کرتے ہوئے نہیں پایا بلکہ انہیں ہمیشہ بااخلاق اداکارہ کے طور پر پایا۔
ندیم بیگ نے مزید لکھا کہ وہ جلد ہی ثنا جاوید کے ساتھ مزید منصوبوں پر کام کرنے کے لیے پر امید ہیں۔
ان کی طرح اداکارہ سعدیہ فیصل نے بھی ثنا جاوید کے ہمراہ کھچوائی گئی تصویر شیئر کرتے ہوئے انہیں باہمت رہنے کا مشورہ بھی دیا۔
سعدیہ فیصل نے لکھاکہ انہوں نے ثنا جاوید کے ساتھ بہت کام کیا اور ان کے ساتھ اچھا وقت گزارا۔
View this post on Instagram
شوبز انڈسٹری کی دیگر شخصیات جن میں وقاص رضوی اور راسخ اسماعیل خان سمیت دیگر افراد شامل ہیں، انہوں نے بھی ثنا جاوید کے ساتھ اپنے کام کرنے کا تجربہ بیان کرتے ہوئے ان کی تعریفیں کیں۔
