بھارتی پنجاب میں قتل ہونے والے انڈیا کے مشہور سکھ گلوکار اور کانگریس کے رہنما سدھو موسے والا نے دو ہفتے قبل ایک گانا ریلیز کیا تھا۔
یہ گانا شوبھدیپ سنگھ سدھو کی زندگی کا آخری گانا ثابت ہوا اس گانے کے بول بھی کچھ ایسے ہیں کہ جس میں وہ اپنی موت کا ذکر خود کررہے ہوں۔ اس گانے بول تھے۔۔۔۔۔ !!
چوبر تے چہرے اُتے نور دسدا
نی ایدا اُٹھو گا جوانی چی جنازہ مٹھیئے
قتل سے دو ہفتے پہلے ریلیز ہونے والے اس گانے کے حوالے سے فیضان ریاض نامی صارف نے ٹوئٹر پر لکھا کہ "دا لاسٹ رائیڈ” سدھو موسے والا کا آخری گانا تھا۔ گانے کا کور ویسا ہی ہے جیسے انہیں قتل کیا گیا جبکہ کچھ سوشل میڈیا صآرفین کا کہنا ہے کہ ان کے آخری گانے کا ہر لفظ سچ ثابت ہوگیا ہے۔
this was sidhu moosewala last released song – THE LAST RIDE
the cover is similiar to the way he was shot. #sidhumoosewala pic.twitter.com/O23lKJjRNn
— ig @faizanriaz_ (@catharsiss__) May 29, 2022
علی رضا بھٹی نے سدھو کی تصویر شیئر کرتے ہوئے لکھا کہ اور وہ ان کی آخری رائیڈ بن گئی۔ آپ کو ہمیشہ یاد رکھا جائے گا۔ اِک سدھو ہُندا سی۔
28سالہ سدھو موسے والا پر بھارتی ریاست پنجاب میں اندھا دھند فائرنگ کی گئی جس کے نتیجے میں وہ شدید زخمی ہوگئے، انہیں فوری طور پر مقامی ہسپتال منتقل کیا گیا لیکن وہ ہسپتال پہنچنے سے قبل ہی دم توڑچکے تھے۔
مقتول گلوکار سدھو موسے والا سے پنجاب حکومت نے واقعے سے ایک دن قبل ہی ان کی سیکیورٹی واپس لے لی تھی۔
سوشل میڈیا پر سدھو موسے والا کے گانوں کے مداح اور کانگریس سے تعلق رکھنے والے ساتھی ان کے قتل پر دکھ کا اظہار کر رہے ہیں۔
سدھو موسے والا کے مداح ان کی موت کے دو ہفتے قبل آنے والے گانے کا ان پر کیے جانے والے قاتلانہ حملے سے مماثلت رہے ہیں۔
Tragic news about the murder of punjabi singer #sidhumoosewala in India. He was just 28. He was contesting elections on a Congress ticket. Condolences.
— Muhammed Hamza Shafqaat (@hamzashafqaat) May 29, 2022
سدھو موسے والا کی ہلاکت کی خبر نے نہ صرف بھارت بلکہ پاکستان میں بھی ان کے پرستاروں کو افسردہ کر دیا ہے۔ ریاست پنجاب کے ضلع منسہ میں سدھو موسے والا کے قتل پر احتجاجی مظاہرے بھی کیے جا رہے ہیں۔
مزید پڑھیں : مشہور نوجوان بھارتی گلوکار کو قتل کردیا گیا
اسلام آباد کے سابق ڈپٹی کمشنر حمزہ شفقات نے ٹوئٹر پر سدھو موسے والا کے انتقال کے حوالے سے لکھا کہ ’انڈیا میں پنجابی گلوکار کے قتل کی خبر افسوسناک ہے، وہ صرف 28 برس کے تھے اور کانگریس کی ٹکٹ پر الیکشن لڑے تھے۔