معروف پاکستانی اداکارہ نور ظفر خان کی تصویر سوشل میڈیا پر وائرل ہوگئی۔
ڈرامہ انڈسٹری کی معروف اداکارہ سارہ خان کی بہن نور ظفر خان کی تصویر سینئر اداکارہ شگفتہ اعجاز نے شیئر کی جسے دیکھ کر مداح تذبذب کا شکار ہوگئے۔
شگفتہ اعجاز نے تصویر شیئر کرتے ہوئے کیپشن میں لکھا کہ ’خوبصورت اداکارہ نور ظفر خان کے ساتھ۔‘
View this post on Instagram
ان کی جانب سے شیئر کی جانے والی تصویر پر مداحوں کی جانب سے ان کی شادی سے متعلق سوالات پوچھے جانے لگے۔
اداکارہ کے مداحوں کی جانب سے پوچھا جارہا ہے کہ کیا وہ شادی کررہی ہیں یا پھر یہ کسی نئے ڈرامے کی تصویر ہے۔
اس سے قبل نور ظفر خان نے انسٹاگرام پر مداحوں کے ساتھ سوال و جواب کے سیشن میں اپنے کرش سے متعلق بتایا تھا۔
اداکارہ کا کہنا تھا کہ ’ان کے کرش ہالی ووڈ اسٹار اداکار ’کیانو ریوز‘ ہیں۔‘
نور ظفر خان سوشل میڈیا پر کافی متحرک رہتی ہیں اور اکثر اپنی تصاویر شیئر کرتی رہتی ہیں جسے ان کے مداح بھی پسند کرتے ہیں۔
