سیالکوٹ: پنجاب کے علاقے معراج پورہ میں گھر میں صندوق سے خاتون کی لاش ملی۔
تفصیلات کے مطابق پنجاب کے علاقے سیالکوٹ کے معراج پورہ میں گھر میں صندوق سے خاتون کی لاش ملی ہے، خاتون عطائی ڈاکٹر کی غلطی کی وجہ سے جان سے گئی۔
اس حوالے سے پولیس کا کہنا ہے کہ خاتون طبیعت خراب ہونے پر عطائی سے دوائی لینے گئی، عطائی ڈاکٹر کے غلط انجکشن سے خاتون دم توڑ گئی۔
عطائی ڈاکٹر کی مبینہ غفلت سے 9 سالہ بچہ جاں بحق
پولیس کا بتانا ہے کہ جرم چھپانے کیلئے عطائی نے خاتون کی لاش صندوق میں بند کی، خاتون کے شوہر نے گمشدگی کی رپورٹ درج کرائی تھی، جس کے بعد کارروائی کی گئی، دوران کارروائی ملزم رحیم اللہ کو حراست میں لے لیا۔
واضح رہے کہ عطائی ڈاکٹر نہ صرف غلط علاج کے ذریعے لوگوں کی زندگیوں کو خطرے میں مبتلا کر رہے ہیں بلکہ متعدد دیگر موذی امراض پھیلانے میں بھی مددگار ثابت ہو رہے ہیں۔
