شکرگڑھ : سابق کرکٹر نوجوت سنگھ سدھو کا کہنا ہے کہ پاکستان میں ہمیں پلکوں پر بٹھایا جاتا ہے مہمان نوازی لفظوں میں بیان نہیں ہوسکتی۔
تفصیلات کے مطابق سابق کرکٹرنوجوت سنگھ سدھو نے گورودوارہ دربار صاحب کرتارپور پر حاضری دی۔
سابق کرکٹر و سیاستدان نوجوت سنگھ سدھو نے کرتارپور بارڈر پر میڈیا سے گفتگو کرتے ہوئے کہا کہ جنگ کسی مسئلےکاحل نہیں ،مذاکرات کی میز پر معاملات حل کرنے چاہئیں،تنازعات کے خاتمے اور عالمی امن کیلئےمضبوط اقوام متحدہ ضروری ہے۔
فلسطین کی صورتحال پر نوجوت سنگھ سدھو کا کہنا تھا کہ فلسطین میں ننھےبچوں اورمظلوم عورتوں کونشانہ بنایاجارہاہے۔
سابق کرکٹر نے کہا کہ کرتارپورراہداری کےمقاصد ابھی ادھورے ہیں، پاکستان میں ہمیں پلکوں پربٹھایاجاتاہےمہمان نوازی لفظوں میں بیان نہیں ہو سکتی۔
ان کا کہنا تھا کہ کرتارپور کے باعث ماضی میں امرتسر ایشیا کی سب سےبڑی منڈی رہا، کرتارپورراہداری سےجتنافائدہ اٹھاسکتے ہیں اٹھاناچاہیے، سرحدوں کی دیواروں میں راہداریاں بھی ہونی چاہئیں، راہداریوں سے محبت،پیار،امن اورتجارت بھی ہونی چاہئے۔
نوجوت سنگھ سدھو نے مزید کہا کہ ہماری زبان،غذا،لباس اورگالیاں بھی ایک جیسی ہیں، ہماری ثقافت اورذات پات بھی ایک ہیں ، سلک روٹ سے تجارت کا حجم 37 بلین ڈالر ہوسکتا ہے مگر 2 بلین تک محدود ہے۔
