رمضان المبارک 1444 ہجری کا چاند دیکھنے کے لیے مرکزی رویت ہلال کمیٹی کا اجلاس 29 شعبان المعظم بمطابق 22 مارچ بروز بدھ کو ہوگا۔
اے آر وائی نیوز کے مطابق رمضان المبارک 1444 ہجری کا چاند دیکھنے کے لیے مرکزی رویت ہلال کمیٹی کا اجلاس 29 شعبان المعظم بمطابق 22 مارچ بروز بدھ کو ہوگا۔
ذرائع وزارت مذہبی امور کے مطابق کمیٹی کا مرکزی اجلاس اسلام آباد میں ہونے کا امکان ہے۔
مرکزی رویت ہلال کمیٹی کی سربراہی چیئرمین ومہتمم بادشاہی مسجد لاہور مولانا عبدالخبیر آزاد کریں گے۔ وزارت مذہبی امور جلد اجلاس کا نوٹیفیکشن جاری کرے گا۔
رویت ہلال کمیٹی کے مرکزی اجلاس کے علاوہ ملک بھر میں زونل ہلال کمیٹیوں کے اجلاس بھی ہوں گے اور شہادتوں کی روشنی کی چاند کی رویت سے متعلق حتمی اعلان مرکزی رویت ہلال کمیٹی کرے گی۔
محکمہ موسمیات کے مطابق نئے چاند کی پیدائش 21 مارچ کی شب 10 بج کر 23 منٹ پر ہوگی۔ رمضان المبارک کا چاند بدھ 22 مارچ کو نظر آنے اور پہلا روزہ جمعرات 23 مارچ کو ہونے کا امکان ہے۔
