The news is by your side.

عمر شریف کو علاج کیلئے امریکا منتقل کرنے سے متعلق اہم پیش رفت

کراچی: کامیڈین کنگ عمر شریف کو علاج کی غرض سے امریکا منتقل کرنے کے حوالے سے اہم پیش رفت سامنے آئی ہے، ایئر ایمبولینس کے اخراجات کیلئے فنڈ منظور ہوگئے۔

محکمہ صحت سندھ کا کہنا ہے کہ ایئر ایمبولینس کے اخراجات کے لیے فنڈ منظور ہو چکے ہیں، ایئر ایمبولینس سروس کی عالمی طریقہ کار کے تحت ادائیگی ہوگی، اس ضمن میں وفاقی حکومت سے رابطہ کیا ہے۔

اس حوالے سے محکمہ خزانہ سندھ نے فنانس ڈویژن کو خط لکھ دیا ہے۔ محکمہ صحت کی سفارش پر سندھ حکومت نے 40 ملین کی رقم منظور کی تھی۔

خیال رہے کہ شدید علیل اداکار عمر شریف کی امریکا روانگی کے لیے ایئر ایمبولینس کی جناح ٹرمینل پر آمد منگل تک متوقع ہے۔ ملک کے معروف کامیڈین اور فلم اداکار عمر شریف کے علاج کی غرض سے امریکا روانگی کے لیے تمام دستاویزات جمع کرائی جا چکی ہیں۔

ذرائع کا کہنا تھا کہ عمر شریف کا علاج امریکا کے جارج واشنگٹن یونیورسٹی اسپتال میں ہوگا۔

Comments

یہ بھی پڑھیں