The news is by your side.

Advertisement

پیپلزپارٹی کے لئے بُری خبر، اہم رہنما کا امریکا میں انتقال

کراچی: پاکستان پیپلز پارٹی کے اہم رہنما اور سینیٹر ڈاکٹر سکندر میندھرو انتقال کرگئے۔

خاندانی ذرائع نے پی پی رہنما کے انتقال کی تصدیق کرتے ہوئے بتایا کہ ڈاکٹرسکندر میندھرو گردے میں کینسر کے باعث امریکا کے اسپتال میں زیر علاج تھے تاہم وہ آج اپنے خالق حقیقی سے جاملے۔

خاندانی ذرائع کا کہنا ہے کہ پی پی رہنما کی میت تین دن بعد پاکستان لائی جائے گی۔

واضح رہے کہ مرحوم سینیٹر کا تعلق سندھ کے ضلع بدین سے تھا، وہ دو ہزار تیرہ سے اٹھارہ کے دوران رکن سندھ اسمبلی رہے اور ان کے پاس وزیر صحت کا قلمدان بھی رہا۔

سال دوہزار اٹھارہ میں وہ ٹیکنو کریٹ کی سیٹ پر صوبہ سندھ سے ایوان بالا کے رکن بنے، ان کا شمار پاکستان پیپلز پارٹی کے اہم ترین رہنماؤں میں کیا جاتا ہے۔

پی ٹی آئی سینیٹر شبلی فراز نے سینیٹر ڈاکٹر سکندر میندھرو کے انتقال پر افسوس کا اظہار کرتے ہوئے کہا کہ سینیٹر ڈاکٹر سکندر اچھے انسان اور ماہر قانون ساز تھے، اللہ ان کی مغفرت فرمائیں۔

پیپلز پارٹی کے شریک چیئرمین آصف زرداری نے سینیٹر ڈاکٹر سکندر میندھرو کےانتقال پر اظہار افسوس کرتے ہوئے کہا کہ مرحوم پارٹی کا بہترین اثاثہ اور ثابت قدم کارکن تھے۔

Comments

یہ بھی پڑھیں