The news is by your side.

Advertisement

سکھوں کا بھارتی یوم جمہوریہ کو یوم سیاہ کے طور پر منانے کا اعلان

برمنگھم: مقبوضہ کشمیر میں بھارتی جارحیت کے خلاف کشمیری اور سکھوں نے بھارتی یوم جمہوریہ کو یوم سیاہ کے طور پر منانے کا اعلان کردیا۔

تفصیلات کے مطابق تحریک کشمیر برطانیہ اور ورلڈ سکھ پارلیمنٹ نے یوم سیاہ منانے کی مشترکہ کال دے دی۔ 26جنوری کو بھارتی ہائی کمیشن لندن کے باہر مظاہرے کا اعلان بھی سامنے آگیا۔

صدر تحریک کشمیر راجہ فہیم کیانی اور ترجمان ورلڈسکھ پارلیمنٹ نے برمنگھم میں مشترکہ پریس بریفنگ دی۔ مہیم کیانی کا کہنا تھا کہ 26جنوری کو بھارت کے نام نہاد جمہوری چہرے سے نقاب اتاریں گے۔

انہوں نے کہا کہ مقبوضہ کشمیر میں 167دنوں سے لاک ڈاؤن اور محاصرہ ہے۔

شہریت کا متنازع قانون : بھارت میں احتجاج کے نت نئے طریقے

دریں اثنا رجمان ورلڈسکھ پارلیمنٹ رنجیت سنگھ کا کہنا تھا کہ بھارت میں اقلیتوں کو اپنے حقوق کے لیے بولنےکی آزادی نہیں ہے، متنازع شہریت بل سے مودی سرکار کے عزائم کھل کر سامنے آگئے، بھارت کو یوم جمہوریہ منانے کا حق نہیں ہے۔

خیال رہے کہ بھارت کے مختلف شہروں میں شہریت کے متنازعہ قانون کیخلاف مظاہروں کا سلسلہ تاحال جاری ہے، روز بروز مظاہروں میں تیزی آرہی ہے، اب تک پولیس کی فائرنگ اور تشدد سے درجنوں مظاہرین ہلاک ہوچکے ہیں۔

دوسری جانب مقبوضہ کشمیر میں کرفیو تاحال برقرار ہے۔

fb-share-icon0
Tweet 20

Comments

comments

یہ بھی پڑھیں