بخارسٹ: رومانیہ سے تعلق رکھنے والی ٹینس کی معروف خاتون کھلاڑی سیمونا ہیلپ کورونا وائر س کا شکار ہوگئیں ہیں۔
بین الاقوامی میڈیا رپورٹ کے مطابق سیمونا ہیلپ نے سوشل میڈیا پر جاری اپنے ایک پیغام میں کہا کہ کورونا وائرس کی ٹیسٹ رپورٹ مثبت آنے کے بعد خود کو آئیسولیٹ کر لیا ہے، کورونا وائرس کی علامات معمولی ہیں، خود کو پہلے سے بہتر محسوس کررہی ہوں۔
Hi everyone, I wanted to let you know that I tested positive for COVID-19. I am self-isolating at home and am recovering well from mild symptoms. I feel good… we will get through this together 🤗💪
— Simona Halep (@Simona_Halep) October 31, 2020
واضح رہے کہ گذشتہ ماہ سیمونا ہیلپ نے اٹالین اوپن کا ٹائٹل اپنے نام کیا تھا، فائنل معرکے میں انہوں نے دفاعی چیمپئن کیرولینا پلیسکووا کو شکست دی تھی۔
گذشتہ سال سیمونا ہیلپ نے سیرینا ولیمز کو ومبلڈن ٹینس کے فائنل میں حیران کن شکست دیتے ہوئے پہلی بار ومبلڈن ٹینس کا اعزاز اپنے نام کیا تھا۔
