سندھ اسمبلی میں 'ہندو میرج' بل منظور کرلیا گیا -
The news is by your side.

Advertisement

سندھ اسمبلی میں ‘ہندو میرج’ بل منظور کرلیا گیا

کراچی: سندھ اسمبلی میں ہندو برادری کی شادی کو رجسٹر کرنے کے حوالے سے ‘ہندو میرج’ بل منظور کرلیا گیا۔

سینیئر پیپلز پارٹی رہنما اور صوبائی وزیر برائے قانون اور پارلیمانی امور نثار کھوڑو نے بل ایوان میں پیش کیا، جسے بحث کے بعد منظور کرلیا گیا۔

ایوان میں بحث کرتے ہوئے اقلیتی رکن نند کمار نے کہا کہ قیام پاکستان سے لے کر اب تک ہندو برادری کی شادیاں رجسٹرڈ نہیں ہو پارہی تھیں۔ بل کو پیش کرنے میں پہلے ہی بہت دیر ہوچکی ہے، اب اس معاملہ کو مزید طول نہ دیا جائے، بعدازاں ایوان نے ہندو برادری کے حوالے سے ‘ہندو میرج’ بل منظور کرلیا۔

بل کے متن کے مطابق شادی میں 2 گواہوں کی موجودگی اور والدین کی رضامندی بھی ضروری قرار دی گئی ہے، جبکہ سکھ، پارسیوں اور دیگر اقلیتوں کی شادیاں بھی اسی بل کے تحت رجسٹرڈ ہوں گی، منظوری کے بعد 3 ماہ میں بل کے قوانین کے اجراء کردیا جائے گا۔

Comments

comments

یہ بھی پڑھیں