سندھ کابینہ نے فلم پر سینسرشپ فیس لگانےکی منظوری دینے سے انکار کر دیا.
وزیراعلیٰ سندھ کی زیر صدارت ہونے والے کابینہ اجلاس میں مراد علی شاہ نے کہا کہ ہم فلم انڈسٹری کو ترقی دینا چاہتے ہیں ہمیں زیادہ سے زیادہ فلمیں بنانے اور سہولیات فراہم کرنی چاہیے۔
وزیراعلیٰ نے چیئرمین سندھ بورڈ آف فلم سینسر خالدبن شاہین کے کنٹریکٹ کو 3 سال بڑھانےکی منظوری دے دی۔
- Advertisement -
حکومتِ سندھ نے پرندوں کی افزائش کے پیشِ نظر صوبے بھر میں ان کے شکار پر ایک سال کے لیے پابندی عائد کر دی ہے۔
اجلاس میں وزیر اعلیٰ سندھ نے کہا کہ یہ پرندے معصوم ہیں اور سیلاب میں کافی مر گئے ہیں، ان کی افزائش کے پیشِ نظر شکار پر پابندی عائد کی۔
کابینہ نے سندھ وائلڈ لائف پروٹیکشن، پریزرویشن اینڈ مینجمنٹ رولز 2022 کی منظوری دے دی۔
