The news is by your side.

Advertisement

سندھ میں کرونا کے کیسز پھر بڑھنے لگے، وزیراعلیٰ کی عوام سے اپیل

کراچی: سندھ میں ایک بار پھر کرونا کیسز کی تعداد میں اضافہ ہوگیا، گزشتہ چوبیس گھنٹوں کے دوران 489 شہریوں میں وائرس کی تصدیق ہوئی ہے۔

اے آر وائی نیوز کی رپورٹ کے مطابق وزیر اعلیٰ سندھ نے کرونا کی تازہ ترین صورت حال کے حوالے سے اپنا پیغام جاری کیا اور بتایا کہ صوبے میں گزشتہ چوبیس گھنٹوں میں 489 نئے کیسز رپورٹ ہوئے۔

مراد علی شاہ نے یہ بھی بتایا کہ چوبیس گھنٹوں میں کرونا سے مزید 11 مریض انتقال کرگئے جس کے بعد مرنے والوں کی مجموعی تعداد 2 ہزار 220 تک پہنچ گئی۔

وزیر اعلیٰ سندھ کے مطابق صوبے میں اب تک 11 ہزار 738 مریض کرونا کو شکست دینے میں کامیاب ہوئے، اس وقت 8 ہزار 81 مریض زیر علاج ہیں جن میں سے 476 اسپتالوں میں ہیں۔

مزید پڑھیں: پنجاب: کرونا کیسز میں کمی، آج 218 مریض رپورٹ ہوئے

مراد علی شاہ کے مطابق اسپتالوں میں زیر علاج مریضوں میں سے 65 وینٹی لیٹر پر ہیں جبکہ 320 مریضوں کی حالت کو ڈاکٹرز نے تشویشناک قرار دیا ہے۔ وزیراعلیٰ نے بتایا کہ ’کراچی میں گزشتہ چوبیس گھنٹوں کے دوران 244نئے کیس رپورٹ ہوئے‘۔

مراد علی شاہ نے صورت حال پر تشیویش کا اظہار کرتے ہوئے عوام سے اپیل کی کہ وہ عیدالاضحیٰ کے ایام میں ایس او پیز پر عمل کریں اور خود کو محفوظ رکھنے کے ساتھ اپنوں کی بھی حفاظت کریں۔

واضح رہے کہ پاکستان میں یومیہ رپورٹ ہونے والے کیسز اور اموات میں بتدریج کمی ہورہی ہے، 24 گھنٹوں میں 903 نئے کرونا کیسز سامنے آئے جبکہ 27 افراد جان سے گئے۔ ملک میں کورونا کیسز اور اموات میں کمی کا سلسلہ برقرار ہے۔

Comments

یہ بھی پڑھیں