The news is by your side.

Advertisement

اتوار کو بازار کھلیں گے، سندھ حکومت نے سکھر کے تاجروں کی درخواست منظور کرلی

کراچی: سندھ حکومت نے سکھر کے تاجروں کا دکانیں بند نہ کر مطالبہ منظور کرتے ہوئے اتوار کو کاروبار کرنے کا نوٹی فکیشن جاری کردیا۔

اے آر وائی نیوز کی رپورٹ کے مطابق سکھر کے تاجروں نے سندھ حکومت سے اتوار کے روز تجارتی اور کاروباری مراکز بند نہ کرنے کی درخواست کی تھی۔

سندھ حکومت نے سکھر کے تاجروں کی درخواست منظور کرتے ہوئے اتوار کو بازار اور دکانیں کھولنے کا نوٹی فکیشن جاری کر دیا۔

مزید پڑھیں: سندھ: کاروباری و تجارتی مراکز کے نئے اوقات کار جاری، چھٹی کے دن بھی تبدیل

محکمہ داخلہ کی جانب سے جاری ہونے والے نوٹی فکیشن میں بتایا گیا ہے کہ سندھ کے ضلع سکھر میں اتوار کو دکانیں معمول کے مطابق کھلی رہیں گی اور جمعے، ہفتے کو تجارتی و کاروباری مراکز بند رہیں گے۔

واضح رہے کہ گزشتہ ہفتے سندھ حکومت نے صوبے بھر میں تجارتی و کاروباری مراکز کے نئے اوقاتِ کار جاری کرتے ہوئے ہفتے میں دو روز چھٹی کے دن بھی تبدیل کیے تھے، جس کے مطابق کراچی سمیت صوبے بھر کے بازار جمعے اور اتوار کے بجائے ہفتے اور اتوار کو بند رہیں گے جبکہ سحری کے بعد سے شام 6 بجے تک کاروبار کی اجازت ہوگی۔

یہ بھی پڑھیں: کراچی کے تاجروں کا احتجاج، دکانیں رات 2 بجے تک کھولنے کا مطالبہ

کراچی کی تاجر تنظیموں نے حکومت کی جانب سے جاری ہونے والے نوٹی فکیشن پر تحفظات کا اظہار کرتے ہوئے کاروباری اوقات بڑھانے اور سارا ہفتہ دکانیں کھولنے کا مطالبہ کیا تھا۔ اب تاجروں نے سندھ حکومت سے شام 6 کے بجائے رات گیارہ بجے تک بازار اور دکانیں کھولنے کا مطالبہ ایک بار پھر دہرا دیا ہے۔

Comments

یہ بھی پڑھیں