The news is by your side.

Advertisement

پنشن اورتنخواہیں ، سرکاری ملازمین کے لیے بڑا اعلان

کراچی: سندھ حکومت نے سرکاری ملازمین کے لیے اگست کی پنشن اورتنخواہیں یکم ستمبر کے بجائے 28 اگست کو جاری کرنے کا اعلان کردیا۔

تفصیلات کے مطابق حکومت سندھ نے سرکاری ملازمین کے لیے بڑا اعلان کرتے ہوئے اگست کی پنشن اور تنخواہیں یکم ستمبر کے بجائے 28 اگست کو جاری کرنے کا حکم دے دیا۔

یاد رہے ہر سال کی طرح امسال بھی حکومت کی جانب سے یوم عاشور کے موقع پر سرکاری تعطیلات دینے کا اعلان کیا گیا، ملک بھر میں 9 اور 10 محرم یعنی 29 اور 30 اگست تعطیل رہے گی۔

سرکاری تعطیلات کے دوران تمام نجی و سرکاری دفاتر، تعلیمی ادارے بند رہیں گے۔ وفاقی وزارت داخلہ نے دو روزہ چھٹیوں کا نوٹیفکیشن جاری کر دیا ہے۔

نیا اسلامی سال اور ماہ شروع ہوتے ہی ملک بھر میں شہدا کربلا کی یاد میں مجالس اور جلوسوں کا اہتمام کیا جاتا ہے، وفاقی و صوبائی حکومتوں نے امن و امان کی صورتحال کو قابو میں رکھنے کے لیے سیکیورٹی کے خصوصی اقدامات بھی کیے۔

Comments

یہ بھی پڑھیں