کراچی : محکمہ داخلہ سندھ نے کراچی میں بلدیاتی الیکشن کا معاملے پر مختلف اضلاع سے پولیس فورس کراچی بھیجنے کی ہدایت کردی۔
تفصیلات کے مطابق حساس اور انتہائی حساس پولنگ اسٹیشن پر فوج اور رینجرز کی تعیناتی کے معذرت بعد نیا پلان تیار کرلیا گیا۔
کراچی اور حیدرآباد میں بلدیاتی الیکشن کا معاملے پر محکمہ داخلہ سندھ نے مختلف اضلاع سے پولیس فورس کراچی بھیجنے کی ہدایت کردی ، مختلف محکموں کے علمداروں کی ڈیوٹی بھی الیکشن کے دن پر لگانے کا فیصلہ کیا گیا ہے۔
میرپورخاص سے 1 ہزار پولیس اہلکار اور 100ایس ایس یو کمانڈوز کیماڑی میں ڈیوٹی سرانجام دیں گے جبکہ عمرکوٹ کے 700 پولیس اہلکار اور ایس ایس یو کے 100 کمانڈوز ضلع جنوبی کی پولنگ اسٹیشن تعینات ہوں گے۔
تھرپارکر کے 700 اہلکار اور 100 ایس ایس یو کمانڈوز ضلع سٹی کی پولنگ اسٹیشن، ضلع شرقی میں نوابشاہ کے 1500 پولیس اہلکار اور 100ایس ایس یو کمانڈوز پولنگ اسٹیشن پر تعینات ہوں گے۔
شرقی میں آر ٹی سی جام نواز علی کے 866 پولیس اہلکار اور سی پی او 200 اہلکار تعینات کئے جائیں گے جبکہ محکمہ ایکسائیز کے 490عملدار فاریسٹ کے 81 عملدار بھی پولنگ اسٹیشن پر ڈیوٹی دیں گے۔
محکمہ صحت کی 7 ہزار 815 لیڈی ہیلتھ ورکرز قانون نافد کرنے والے اداروں کے ڈیوٹی سرانجام دیں گی ، بلدیاتی الیکشن میں پولیس کے مجموعی طور پر 67684 اہکاروں کی ضرورت ہے۔
محکمہ داخلہ سندھ کی رپورٹ کے مطابق سندھ حکومت کے پاس مجموعی طور 63500 اہلکار موجود ہیں، سندھ میں مجموعی طور پر 2314 فورس کی کمی کا سامنا ہے۔
ذرائع نے بتایا محکمہ داخلہ سندھ نے کراچی بلدیاتی الیکشن پولیس فورس مکمل کرلی ، پولیس کی رپورٹ میں بتایا گیا کہ کراچی میں پولنگ اسٹیشن پر مجموعی طور 37690 کی ضرورت ہے اور کراچی میں مختلف رینج سے پولیس فورس بھیج ضرورت پوری کردی ہے۔
محکمہ داخلہ سندھ نے وزیر اعلی ہاوٴس رپورٹ ارسال کردی ہے ، فیصلہ میں کہا گیا ہے کہ لاڑکانہ ڈویڑن ، سکھر ڈویڑن اور شہید بینظیر آباد ڈویڑن کے اہکار حیدرآباد ڈویڑن میں ڈی پولیس فورس بھیجی جائے گی۔
