کراچی: وزیر تعلیم سندھ سعید غنی کا کرونا وائرس ٹیسٹ مثبت آگیا۔
تفصیلات کے مطابق وزیر تعلیم سندھ سعید غنی کا کرونا وائرس ٹیسٹ مثبت آگیا جس کے بعد انہوں ںے خود کو قرنطینہ کرلیا۔
صوبائی وزیر سعید غنی نے اپنے ویڈیو پیغام میں کہا کہ کرونا وائرس ٹیسٹ کرایا جو مثبت آیا ہے، ٹیسٹ مثبت آنے کے باوجود تاحال کوئی علامات محسوس نہیں کررہا ہوں۔
سعید غنی نے کہا کہ اپنی ذمہ داریاں گھر پر آئسولیشن میں رہ کر ادا کررہا ہوں، احتیاط کررہا ہوں، گھر سے تمام ذمہ داریاں ادا کروں گا۔
صوبائی وزیر نے مزید کہا کہ جو لوگ مجھ سے ملتے رہے ہیں وہ بھی خود کو آئسولیشن میں رکھیں اور شہری بھی گھروں میں رہیں۔
گذشتہ روز میں نے کورونا وائرس کا ٹیسٹ کروایا جسکی رپورٹ مثبت آئی ہے تاحال جو Symptoms اس وائرس کے بتائے جاتے ہیں ان میں سے مجھے کچھ محسوس نہیں ہورہا اور میں خود کو بالکل صحتمند محسوس کررہا ہوں اور اپنی ذمہ داریاں گھر پر isolation میں رہ کر ادا کررہا ہوں۔ شہری بھی گھروں پر رہیں pic.twitter.com/2vzS7qt0SY
— Senator Saeed Ghani (@SaeedGhani1) March 23, 2020
واضح رہے کہ کرونا وائرس کے خطرات کے باعث وفاقی دارالحکومت اسلام آباد، چاروں صوبوں اور آزاد کشمیر سمیت ملک بھر میں فوج کو طلب کر لیا گیا، جس کا نوٹیفکیشن بھی جاری کردیا گیا ہے۔
مزید پڑھیں: اسلام آباد سمیت ملک بھر میں فوج طلب
یاد رہے آرمی چیف جنرل قمر جاوید باوجوہ نے پاک افواج کو سول انتظامیہ کی امداد تیز کرنے کی ہدایات کرتے ہوئے تمام جوانوں اور طبی وسائل کو مختصر نوٹس پر تیار رہنے کا ٹاسک دیا تھا۔
خیال رہے کہ پاکستان میں کرونا وائرس سے6 افراد جاں بحق ہوگئے جبکہ وائرس سے متاثرہ مریضوں کی تعداد 803 ہوگئی ہے اور 6مریض صحتیاب ہو چکے ہیں۔