کراچی : سندھ حکومت کی جانب سے پولیس کے شعبہ تفتیش کیے فنڈ میں اضافہ کردیا، جس کے تحت مختلف مقدمات کیلئے رقم مختص کرکے نوٹیفکیشن جاری کردیا گیا ہے۔
اس حوالے سے پولیس ذرائع کا کہنا ہے کہ زیادتی کے مقدمات کی تفتیش کیلئے 50 ہزار روپے مختص کیے گئے جبکہ اقدام قتل کے تفتیش کی رقم بڑھا کر 50 ہزار روپے کردی گئی ہے۔
اس کے علاوہ ڈکیتی کے مقدمے کی تفتیش کیلئے اب فی کیس 25 ہزار روپے دیئے جائیں گے اور گاڑی لوٹنے کے کیس کی تفتیش کیلئے25ہزار، گاڑی چوری کیلئے20ہزار کی رقم رکھی گئی ہے۔
نوٹیفکیشن کے مطابق بھنگ، چرس کے مقدمات کی تفتیش کے لیے25ہزارروپے اخراجات دیے جائیں گے، قتل1 لاکھ، دہشت گردی یا بم پھٹنے کے کیسز کی تفتیش کیلئے پولیس کو 5 لاکھ روپے دیے جائیں گے۔
ذرائع کے مطابق محکمہ داخلہ نے شعبہ تفتیش کو مضبوط کرنے کے لیے رقم بڑھانے کا نوٹیفکیشن جاری کردیا ہے۔
