ایڈیشنل آئی جی نے کہا ہے کہ سندھ پولیس پروفیشنل ہے اس میں کوئی دھڑے بندی نہیں، ٹرانسفر پوسٹنگ حکومت کا کام ہے، افسران اسے استحقاق نہیں سمجھتے۔
اے آر وائی نیوز کے مطابق اے آئی جی جاوید عالم اوڈھو کا کہنا تھا کہ ہم سب ایک ہیں، پولیس میں کوئی گروہ بندی نہیں، ٹرانسفرپوسٹنگ حکومت کے کرنے کے کام ہیں، افسران اسے استحقاق نہیں سمجھتے ہیں۔
انھوں نے کہا کہ پولیس افسران کی سنیارٹی کا ڈیکورم ہوتا ہے جس کا خیال رکھا جاتا ہے، ہم اصولوں پر چلتے ہیں، کمانڈ کے احکامات مانتے ہیں۔
ایڈیشنل آئی جی جاوید عالم اوڈھو نے کہا کہ کراچی پولیس پروفیشنل ہے، ہم سب ایک ہیں، پولیس کسی طرح کی گروپ بندی نہیں ہے۔
اےآئی جی کے مطابق ہم اصولوں پر چلتے ہیں، کمانڈ کے احکامات مانتے ہیں، کچھ معاملات ہوتے بھی ہیں توافسران گفتگو کرتے ہیں پھر کمانڈ تسلیم کرتے ہیں۔
جاوید اوڈھو نے کہا کہ دھڑے بندی کی سیاست پولیس یونیفارم کا شیوہ ہے نہ حصہ ہے، ہمارا کام عوام کی خدمت ہے، افسران فریضہ سرانجام دے رہےہیں۔
