کراچی: رینجرز نے شہر بھر میں کاروائیاں کرتے ہوئے آٹھ ملزمان کو اپنی تحویل میں لے لیا، رینجرز کے ترجمان کا کہنا ہے کہ ملزمان غیرقانونی اسلحے کی خرید وفروخت اور منشیات فروشی میں ملوث ہیں.
ترجمان سندھ رینجرز کے مطابق پاکستان رینجرزنے شہر قائد کے مختلف علاقوں میں کارروائیاں کرتے ہوئے 8 ملزمان کو حراست میں لے لیا، ترجمان رینجرر کا کہا کہ ملزمان دہشت گردی سمیت مختلف مقدمات میں ملوث ہیں.
رینجرز کے ترجمان کا کہنا ہے کہ ملزمان غیرقانونی اسلحے کی خرید وفروخت اور منشیات فروشی میں ملوث ہیں.
یہاں پڑھیں:کراچی میں رینجرز کی کارروائیاں‘3ٹارگٹ کلرز گرفتار
8 گرفتار ملزمان میں سے ایک کا ملزم محمد سمیع کا تعلق ایم کیوایم لندن سے ہے، ملزم پربھتہ خوری اوراغوابرائےتاوان میں ملوث ہونےکاالزام ہے،جبکہ ایک ملزم کا تعلق کالعدم تحریک طالبان پاکستان سے ہے.
یہاں پڑھیں:پولیس و رینجرزکی کارروائیاں، چھ ملزمان گرفتار، اسلحہ برآمد
انہوں نے کہا کہ ملزم حکم خان افغانی کوملیرکے علاقے سعود آبا دسےگرفتارکیا گیا ہے، رینجرز ترجمان نے پریس ریلیز کے ذریعے میڈیا کو بتایا کہ ملزم ٹارگٹ کلنگ، سہولت کاری،بھتہ خوری میں ملوث ہے.
یہاں پڑھیں:رینجرز کے کراچی میں چھاپے، دس ملزمان گرفتار ،اسلحہ برآمد
پاکستان رینجرز (سندھ) نے شہر بھرمیں کاروائیاں کرتے ہوئے سعید آباد، مواچھ گوٹھ اوراتحاد ٹاؤن سے 4 جرائم پیشہ افراد کو گرفتار کیا.
