اگر آپ رات میں اپنے گھر کے باہر گاڑی صحیح پارک کریں اور صبح وہ زمین میں دھنسی ہوئی ملے تو آپ کا ردعمل کیا ہوگا، ایسا ہی ایک واقعہ لاس اینجلس میں پیش آیا جہاں زمین کار نگل گئی۔
غیر ملکی خبر رساں ادارے کی رپورٹ کے مطابق امریکی ریاست کیلی فورنیا کے شہر لاس اینجلس میں کھڑی گاڑی اچانک سڑک میں دھنسے کے حیران کن واقعے نے دیکھنے والوں کو پریشان کردیا کہ آخر کس طرح زمین کا چھوٹا کا ٹکڑا اندر کی جانب دھنس گیا۔
متاثرہ گاڑی کے مالک نے رات کو گھر کے باہر صحیح سلامت گاڑی پارک کی تھی لیکن صبح پانچ بجے اچانک سڑک ٹوٹ گئی اور تقریباً گاڑی منہ کے بل زمین میں چلی گئی۔
فائر فائٹر اہلکاروں کا کہنا ہے کہ زمین دھنسے کی وجہ کوئی زلزلہ کا دھماکہ ہیں بلکہ پانی کی لائن پھٹنے کا نتیجہ ہے۔
فائر فائٹر عملے نے گاڑی کو گھڑے سے نکال کر متاثرہ سڑک کو ٹریفک کے لیے بند کردیا ہے تاکہ سڑک کی مرمت کی جاسکے۔
