لاہور : کوئٹہ گلیڈی ایٹرز کے مینٹور اور لیجنڈ کرکٹر سرویوین رچرڈز پی ایس ایل کے فائنل میں شرکت کے بعد اپنے وطن روانہ ہوگئے۔
تفصیلات کے مطابق کوئٹہ گلیڈی ایٹرز کے مینٹور سرویوین رچرڈ پی ایس ایل کے فائنل کے لئے لاہور آئے تھے، ان کی ٹیم فائنل تو نہ جیتی لیکن انہوں نے لاکھوں چاہنے والوں کا دل ضرور جیت لیا۔ ویوین رچرڈز نے لاہور میں گالف کھیلی اور پاکستان میں خوب انجوائے گیا۔
رچرڈز کا کہنا ہے کہ انہیں پاکستان میں کبھی سیکورٹی کا مسئلہ نہیں ہوا، وہ پہلے بھی پاکستان آ چکے ہیں اور آئندہ بھی آنے کا ارادہ رکھتے ہیں۔
مزید پڑھیں : بہترین مہمان نوازی پرشکر گزار، غیر ملکی کھلاڑی وطن واپس روانہ
یاد رہے گذشتہ روز بھی پاکستان سپرلیگ سیزن ٹو کا فائنل میچ کھیلنے والے کچھ غیر ملکی کھلاڑی اورآفیشلز لاہور سے وطن روانہ ہوئے تھے، پاکستان سے روانہ ہونےوالےغیرملکی کھلاڑیوں میں پشاور زلمی کے ڈیوڈ میلان اور کرس جارڈن ، مارلن سیموئیل اور انعام الحق کے نام شامل تھے۔
خیال رہے کہ لاہور آمد پر سماجی رابطے کی ویب سائٹ ٹویٹر پرویسٹ انڈیز کے عظیم کرکٹراور کوئٹہ گلیڈی ایٹرزکےہیڈکوچ سر ویوین رچرڈ نے اپنے پیغام میں کہا کہ ’ایک طویل عرصے کے بعد میں لاہور آیا ہوں، یہاں پرسیکورٹی کے کوئی مسائل نہیں ہیں۔
LAHORE LAHORE LAHORE, m here after so long time impressive security here no issues,, and m hoping for another Quetta day!!!
— Viv Richards (@vivrichards_56) March 5, 2017
سر ویوین رچرڈ نے اپنی ایک اور ٹویٹ میں کہا کہ ’پاکستان کے ساتھ ان کی بہت سی اچھی یادیں وابستہ ہیں اورانہوں نے کہا کہ میں بہت خوش ہوں کہ اس سرزمین پرکرکٹ دوبارہ لوٹ آئی ہے۔
